( مســاحـــه لسفّك دمـــاء الشّعـر )

[نايل الظفيري]

لو كل شي ٍ طرى في خاطري قلّته
ما كان مات الكلام بداخل أعماقي



حلم ٍ من أعوام ودي به ولا طلّته
تموت بعض الأماني والله الباقي



يا ليلة البارحه والبوح أشعلّته
من يوم صمتي طفى في لحظة إشراقي



يجذبني الشعر وأنساب لمخيلّته
وأصوّر اللي تهيّا منّه ولاقي



صوت الحزن من ردات الوقت مولّته
مدام الأيام تعزف جرح خفّاقي



الهم يثّمر وتكبر حيل منزلّته
والليل غصن تدلّى منّه أوراقي



الجرح داخل ضلوع الصدر كبلّته
والدمع مزن وسحاب المزن أحداقي



اللي على الناس بديته وفضلّته
ودي بقربه وهو ودّه على فراقي



وأنا الخطا لو بدر منّه تحملّته
ولو غيره اللي خطا ضاقت بي أخلاقي



لو مرّ طيفه على بالي تأملّته
وأبحرت من واقعي في مركب أشواقي



الحب أصعب من اللي قد تخيلّته
لله درّ الغلا يا كيف حرّاقي



يا أمنيه ضايعه ويا حلم ما طلّته
تموت بعض الأماني والله الباقي

[نايل الظفيري]

ياوجودي كل ماضاق صدري من عناي
وجد من مجمل عظامه غدت متناخره


في طريق أهل المحبه تعثّرت بخطاي
ماعرفت الدرب وين أوّله من آخره


العنود اللي غلاها رسى باقصى حشاي
مثل مايرسي على الموج بطن الباخره


ذكرها لامن طرق مسمعي يبحث خفاي
لين ما يظهر من القلب شيٍ ذاخره


يومها غابت عن العين فرحوا بي عداي
عاذلين القلب وأهل الوجيه الساخره


ليتها لو إنها بس تسمع في حكاي
أعذب أبياتي بها من قصايد فاخره

[نايل الظفيري]

غاب ليل الصمت من ضو الكلام
وإنتشى من عطر الأوراق اقلمي

ياحروفي رفرفي مثـل الحمـام
غرّدي يوم المشاعـر محّزمـي

خايـف الأيـام ياثـوب المـلام
ماتغطّـي باالمقابيـل الحـمـي

الأماني ضايعـه بيـن الزحـام
والحزن شـوّه ملامـح مبّسمـي

من غياب النور وش ذنب الظلام
ولو يطول الدرب وش ذنب اقدمي

من متى والعين تفرح فـي منـام
دام بأحضاني طيوفـك ترتمـي

إيه أنا محتاج لك شـوق وهيـام
أنتمي لك وأنت لـي مـا تنتمـي

ليه ؟ تآخذني وتهدينـي خصـام
وإنت أقرب من وريدي وانسمـي

المحبّـه بيـد ووصالـك غمـام
والمفارق ليل موحـش مظّلمـي

تدري إن اللي بقى فينـي حطـام
وأدري إنّـك للشـوارد ملهمـي

كنت أخش الجرح عن عين الأنام
كنت خايف يفضحه نزّفي دمـي

جيت أداوي فيك أوجاع الغـرام
مـا لقيتـك يـا دواي وبلّسمـي

عقبها وش عقبها مـات الكـلام
والبقا في رآس دمعـي واقلمـي

[نايل الظفيري]

تحت جنح الغرام إجتاحني طيفك
وأحس الشوق فيني ما طفت ناره


ربيعي لو ذبلّت اليوم من صيفك
عزاي إن الشتاء تزرعني أمطاره


تغيب الناس لو تشّرق سواليفـك
على من صار قلبك موطنه داره


يبس نهر العطاء لكن هوى ريفك
يجدد بي عطا لو جفّت أنهـاره


أحبك وأدري إنه صعب توصيفك
أحبك والعمر تنّبت بك أزهـاره


كثر ما هـم يحبونـك مواليفـك
أحبك أكثر امن الذنب وأعـذاره


تغنيني وتطّربنـي علـى كيفـك
أنا السمّار وإنت العود وأوتـاره


حبيبي لو غرست بمهّجتي سيفك
على شانك يهون البعد وأمـراره

[نايل الظفيري]

ما بين عصف المشاعر وإجتياح الركود
تمرّد الشعر فيني من هناك وهنا

شاعر وأحس الجزاله في قصيدي تزود
لا من سرجت الفرايد من خيالي أنا

أرقى بفكري سنود الفكر يرقى سنود
إلين نجم اليماني من علّوي دنا

أقدّر اللي يقدّر ما أطيق الجحود
ولا أحترم شخص فيه الطيب ذاب وفنا

حتى لو إني فقير وما بجيبي نقود
لكن في عزّتي بالنفس فاحش غنا

الوقت أوتار عمري والمقادير عود
يعزف على نوتة الأيام لحن العنا

[نايل الظفيري]

صاحبي في غيابك ما غفت منك عين
كيف ترقد ! عيوني دامـك أهدابهـا


والله إني كتبتك من شعـور ٍ يقيـن
ما كتبتك عشـان النـاس وعجابهـا

[نايل الظفيري]

محاوله في ما يسمى بشعر التفعيله



إنتظرتك ..!
لين ما مع دمعة عيوني
ذرفتك ..
وإنت تدري إنك الأجمل ..
وإنك أكبر ذنب من يوم إقترفتك ..

كنت بعيون الأماكن ..
بالزوايا ..
في ممرات المساكن ..
إنتظرتك ..!

بس ماجيتي ولا جابك حنان
لين ماشحّ بقراحه هالزمان
من عرفتك ..

ما عرفت إلاّ الأنين
آه لو بس تعرفين ..
كيف بأهدابي سهرتك ..

إنتظرتك ..

لين ما شفّت الكئآبه
وماتت حروف الكتابه
يوم بإحساسي نزفتك ..

إنتظرتك ..
إنتظرتك ..

لا تجين ..

مابقى شوق وحنين
من بقايا الياسمين

إنتظرتك ..

[نايل الظفيري]

تبي تعرف عقب مارحت كيف الحال
تعال اسمع لسان الحال واحساسه


اغني لك حزن يبكي صدى الموال
أسولف للفرح تزفرني أنفاسه


أجامل والهموم الموجعه تجتال
كثير اللي غرس في مهجتي فاسه


تعبت ولا لقيت لضيقتي مدهال
أبت غير القصيد وصدر قرطاسه


وطن كل الأماني والعمر رحّال
يدوّر حلّمه اللي غاب نبراسه


حبيبي لا تشمّت فيني العذال
أنا قلبي بدونك ملّ من ناسه


أحبك إيه أحبك والغلا لازال
مدام الشوق فيني ماضعف باسه


أحبك كثر ما دمع المحاجر سال
على خد اليتيم وبلّل ايباسه


كثر ما شاعرك بكّى عيون أبطال
كثر ما شاب من ليل السهر راسه


كثر ما ذاب طيفك يارفيق البال
على جمر الهجر من يوم ما داسه


مثل ما للحكي آخر لو إنه طال
ترى للصمت ناس ٍ توزن اقياسه



تبي تعرف عقب مارحت كيف الحال ؟
شربت امن الصبر لكن فضى كاسه

[نايل الظفيري]

عندما كنت خارج من البيت رأيت موقف وشد إنتباهي وهو مشاهدتي لجاري وهو يشاهد حرمة جاره وينظر إليها وهذا الشئ طبعا لايجوز لا في الاسلام ولا في العادات والتقاليد




لذلك حبيت ان اكتب بيتين لهذا الموقف ...


علام العرب تنسى علوم الشرف والدين
ووصية رسول الله على الجار قبل الدار

رجل عن محارم جار يسدل ستار العين
ورجل يفتح عيونه يخايل محارم جار


20/8/2010

[نايل الظفيري]

تموت الجزيله والهزيله على الآفاق
معا قولة اللي كل ( واحد على ذوقه )

هل العيب ؟ فالأشخاص أو الوعي ما فاق
أم إن الجزاله أصبحت شبه محروقه


قصايد بها قمّة من الذوق والأخلاق
وقصايد عن الأخلاق والذوق مفهوقه