عروق قلبي

[بنت الزعبي ..]

بسم الله الرحمن الرحيم

السلام عليكم ورحمة الله وبركاته


مسائكم الله بالخير .,




يانور عيني هوى بالي وسلطانه
لايوجع القلب حد العين وسيوفك


سبحان ربٍ عظيمٍ ياكبر شانه
جملّك خلقه وكمل حسنك بنوفك


يابنت شعري زهابك وابدع الحانه
ايجر صوته غلى في ملعب حروفك


ياطيفك اللي عليه العين شفقانه
ولامن نظرتك حقيقه عافت طيوفك


اذا عليك المشاعر جات زعلانه
زهبت عذرك قبل تطربني حلوفك


ياعينك اللي تجيب الموت خدرانه
مالوم عين ٍ تدقق فيك وتحوفك


لأنك غريبه عن فلانه وعلانه
عذروب كل العذارى جملة أوصوفك


عروق قلبي ثلاث عروق ظميانه
مايرتوي العرق الاول غير في شوفك


والعرق الاخر تغشى سيل وديانه
لاصرت جنبي ولامس كفي كفوفك


واخر عروق الظمى في بحرك الدانه
اعوم بحرك واجيب الدان من جوفك


مثل الخضار اللذي تسقيه ودانه
هذا غرامك فديت عروق سرجوفك


كذا غرامك زرع فالجوف بستانه
لايذبل اللي زرعته من سبب خوفك



الشاعر : حقان العجمي