.. الـوداع الـذرب ..

[عامر الهاجري]

السلام عليكم ورحمة الله وبركاته


هذي للتواصل .. وأتمنى أن تحوز على رضاكم ..



تواريت عن هالناس يا بعد كل الناس ..=ما عانك ضميرك ترجع اليوم ما عانك ..

أنا وين أببدا فيك يا شمعة الجلاس ..!=طبوعك .. جمالك .. عِلمك .. أو صيت جدانك ..

مجمل وكامل والوفا والغلا نبراس ..=جعل ما تبدل فيك يا عزوة إخوانك ..!

رحلت وتركت القلب في حال حزن وياس ..=قويت الهجر وش جاك من خل ما خانك ..؟

لو إنك تعوضني ذهب .. لولو .. وبألماس ..=حذفته وجيتك غايتي ضمة أحضانك ..

لو إنّا في عصر كليب والزير مع جساس ..=ما والله حجر رجّال في عيال عمانك ..

وأنا لا ذكرت غصونك .. وعودك الميّاس ..!=وسود الجديل وخصرك وسحبة أردانك ..

أبيع الآوادم فدوة عيونك النعّاس ..=شموخي كسرته كانك بتجبره .. كانك ..!

تحملت من درب الشقا يالغضي مرواس ..=مشيته لو إنه صعب لجل أوصل وزانك ..

سِكت والنوايا [ فراق ] والأورِده يبّاس .. =تنهت و رد وقال صح الله لسانك ..!

حتى وداعك ذرب يا بعد كل الناس .!! =جعل عيني ما تبكيك وتشوف جثمانك ..