السلام عليكم ورحمة الله وبركاته
قصيده من اروع ماقراءت
للشاعر : محمد بن سبيّل ..
بعيـادة الدكتور والناس جـلاس
شفت الـحزينـة بانتـظـار العياده
عــذرآ تثير بـحزنهـا كل حـساس
ودنيت منها كنت أريــد الأفـــاده
ولقيتهـا مابين هــم وهوجاس
قلت اسمحيلي بالكــلام بركـــاده
مادام عون الناس للناس نوماس
وش صاير لك يا ظبي الـحمـاده
قالت وربي من الـبــال منحــاس
ومن زوجوه بغصب لاواهــجـاده
بينت أنا للوالد الوضع من ساس
وقلت الجبر ماهو للجواد عـــاده
يا بوي أبن عمي على العين والراس
لا شك مالي فيــه يابـــوي راده
يابـوي خف من خالق الكون والناس
ما ريـد أنا شوفــه مــرادي بعــاده
جمسه وصالونه مع التاج وألماس
وكثرة فلوسه ما تجيب الـسعـاده
يابـــوي قلبي حب من لامشى داس
فـوق الضمير ويستحق القـياده
زين الشباب ولامشى درب الانجاس
شـوفه منـاي وشـوف زولي مـراده
حب الشرف مافيه عيب ولا بــاس
واللـي زرع واثمـر يبـاشــر حـصـاده
عيشة فقر مع صاحبي عطر الانفاس
في بيت مابـه غير قطعــة وســاده
ولا عيشتي مع شخص معدوم الاحساس
لو كنت في قصـر من المــاس شـاده
يا ناس تكفون أفزعوا شفت الاتـعــاس
يا نـاس مجبـــوره ولا لي جــــلاده
اخـاف أمــوت من القهـر واشرب الكاس
واخلي الطمــاع يعلــن حــــــــداده
قلت الأمــل مـوجــود وشهوله اليـاس
والله رحـــــــــوم ولايضيــع عبـــــاده
ياعـل من باع العـذارى للافـــــلاس
وعســاه ما يفـرح بنطـق الشـهــاده
06-03-2010, 03:12 AM
العرض الشجري