دكــــــــــــتور

[ضنى سبيع]

دكتور لاتكشف على القلب ارجوك
اخاف تلقى صورته في الإشاعه

اخاف تلقى من له القلب مصكوك
ارجوك لاتفتح بقايا الوداعه

اللي على قلبي معه عقد وصكوك
ريم خذت قلبي بليا شفاعه

اقفت وانا دمعي مع العين مشبوك
وصاحت جروح القلب وين المناعه

من بعدها والجفن كنه على شوك
يحرم علي النوم لو كان ساعه

والجسم ناحل لو تشوفه وانا اخوك
كني يتيم في ديار المجاعه

ليا ضاق صدري قمت ادور على البوك
من شان اطالع صورته ياجماعه

هذي خذت قلبي لها عبد مملوك
تأمر وهو تحت الامر والطواعه

صحيح ماعندي رأس مال وبنوك
لكن على حبه رضيت القناعه