قصيدة من اجمل ماقريت ..تفضلوا

[على دروب الغانمين]

السلام عليكم ورحمة الله وبركاته

قصيدة رائعة ان شاء الله تعجبكم


مبطي وانا بينـي وبيـن الهواجيـس
................وقفة تأمـل .. واستراحـة محـارب
عجزت لا افهم وش تقول الكوابيـس
.................في كل ليـل تمـرْ .. والهـا مـآرب
من حقي اوزن كل ما فات .. واقيس
..............واشمر ذراعي .. واسدد .. واقـارب
وكان البحر قدمي .. وخلفي تضاريس
...............وبموت من حيتـان .. والا عقـارب!
سلّمـت صـدري للهوا والنسانـيـس
.........وسوّيت من نفسـي لنفسـي تجـارب
شاعر معاناه .. وعذوبه .. واحاسيس
................ومصامخٍ بيـن اللحـى والشـوارب
حتى ولو اعيـش خلـف الكواليـس
..................تعرفني الاجنـاب .. قبـل الأقـارب
ثبّتْ عرشي .. بين كسـرى وبلقيـس
..............وانهار كسرى .. وانهدم سـد مـارب
وان كان مال الميل .. دون النواميـس
..................رفعـت كفّـي لله وقلـت ..يـا رب!
لحّفني .. بشِدّة هل الخيـل والعيـس
..............اللي لها يوم المضارَب .. مضـارِب
وجنّبني من ابليس .. وامْجالس ابليس
..............ابليس حربه حرب .. وانا مُحـارب!
انسان تغريني المظاهر وانا .. ليـس
.............الاّ ! .. ضعيف ومنك واليك .. هارب
احلم .. ومن حلمي اشـب الفوانيـس
..........واصحى .. على وقع الفتن والمكارب
هذا زمان الدرس .. من غير تدريـس
............ياللي ليا هالحيـن .. تعمـل تجـارب
ان شفت بيضة ديك .. والا لبن تيـس
...............حاول تصدّق عينـك .. ولا تغـارب!





لـلمبدع : خالد الحصين