سلامي سلام اسلام ماغاب نجم وبان

[مطـــنوخ بني هاجر]

سلامي سلام اسلام ماغاب نجم وبان
وماحنّت ارعـود السحـاب الركاميّـه

على قوم اخو لجعه حريب الردى راكان
حميد السجايـا مقـدم القـوم فالهيّـه

اكبار الجموع امطوّعت عاصية الارسان
بيومٍ عبوسٍ يفرق الحـيّ مـن حيّـه

هل المدح والناموس من ماضي الازمان
ومطاليق واعلـوم المطاليـق مسميّـه

انا اقدّر العجمـان واوجـب العجمـان
لو ان ماني بعجمي ولا امـيّ بعجميّـه

لكن بيننا حلف ونسب والصحيح اخوان
وربـع ورفاقـه والعـلاقـات وديّــه

نحب امحلفنا حـب عبـدالله لسلطـان
وهـم مثلنـا والحـب فطـره الهيّـه

توثّق محبتنـا المواجيـب والصفطـان
واعلوم الرجال الليّ على الطيب مبنيّـه

وسلامتكم