بنات حواء ضاعن وضيعنه

[الناقدة]

انتشــــــر في الاونه الاخيرة التبرج والسفـــــــــــــور بشكل ملحوظ في مجتمعاتنا
فحبيت انزل موضوع يهتم بهالجــــــــــــــانب


یابنت بعد الستر صرتي تعرين
وذا لا هو بفرض ولا بسنه

لاتلبسين الثوب علاق تكفين
امي وامتس قبلنا مالبسنه

وان كانتس بتقليد الخواجه تباهين
وراتس يوم الحشر نار وجنه

وان كان ذي موضه تراكن مساكين
الكافرات لبسهن تلبسنه

لبسن عليكن مثل لبس المجانين
متقطعن حتى الظهر بان منه

العاريات الكاسيات الملاعين
ياويلهن من شي يواجهن

جداتنا باقي صداهن لا اللحين
والثوب لامنه قصر طولنه

لامالبسن مثل ناديه ونادين
والساق مثل كلوديا ماكشفنه

ترى الحلا ماهو بكشف الكراعين
ولاهو بكشف الصدر ياللي تبنه

ترى الحلا بالستر بس الستر وين
دام اللباس الفاضح تأيدنه

لاشفتهن بالعرس مثل الشياطين
حتى الشعر فوق الاذاني اجبعنه

ماالوم انا من عندهم نقص بالدين
الوم انا الزوج خيب الله ظنه

يمشي وراها مثل مشي البعارين
لمطارد الموضه معها تقنه

وإليا نصحها قال تسكت وبعدين
وان ماسكت في كفن يدها تصنه

غصبن عليه الحب فوق القوانين
لاتحترم رأيه ولاتخاف منه

الجيب فاضي بعد جمع الملايين
بنات حواء ضاعن وضيعنه


ولكم احترامي <<وعسى الله يصلح حال بناتنا ويستر عليهم انشالله