مـــدري علام النفوس اليوم مقدمها ... مقدم عجـــوز ٍ تسير وما بها ايـْماني !!!

[ابن شتــــران]

صباح/مساء الخير عليكم جميعا ً

نص موقفي لا يحمل بين طيـَاته على اي معنى
من معاني الهجاء لعدم تقبـّلي الشديد لها في نصوصي
لكن وضعتها لتوضيح ( مبدأ ) ارغبه كثيرا في آفاق الشعـر ..!




؛

؛


ربع ٍ ذبحها الضحك يا نعبو فمها
من زايد الغيظ .. لا ماهو على شاني !

تحسب شموخي درى عنها ولازمها
ولاّ الحقيقه ؟ ولا شي هز ضلعاني !

اكبر مع الناس والدّنيا ولا اشتمها
لكن شعوري على اوراقي يجي ثاني !!

لا من سكتٌّ وبدى لي حاجه احسمها ؟؟
فهقت [ صدري ] كذا من شان عدواني !!

سنـّيت راس القلم واوراقي معظمها ..
مـْـجرّح ٍ صدرها من كل ما جاني !

اكتب عن اوقات صدتني وانا اهمها !
واجهل مقامات ربع ٍ بس تنساني !!

لا جيت في راسها وْلا جيت في دمها
رغم انّ دم القبيله بيننا داني !!

مدري علام النفوس اليوم مقدمها ...
مقدم عجوز ٍ تسيـر وما بها ايـْماني !!!

تضرب على اوتار حساسه وتعدمها
مثل [ البخـت ] لا غدى مني وعاداني !!

والنفـس .. لا قيل لي ويش اللي يكرمها ؟؟
قلت التـّرفع وخلها بـْطابع انساني :

يعني تبسـّم لـ الاعداء بس لاتذمها
من شان لاتظنّ بـ انك منها تـْعاني !!

ولا تكتب ايـّة ( هجا ) لـْناس ٍ تبــث سمها
لان القصايد فخــر من عصر جداني ...

ما جيت شاعــر لجل ناس ٍ اعلمها ؟!
جيت اكتب الشعر لجل آعلــّم بـْشاني !!!


؛

؛


حســــن آل صليع