خــــالد الطاحوس..خلوا مجــــاميعه ينفعونه! و قصيدتي!

[م.م.أ.ي.غ]

بسم الله وحده....والصلاة والسلام على من لانبي بعده....
أما بعد,,,,

يطول الحديث المشجى بالحزن..
حين نذكر (حبس خالد الطاحوس) في أغلال السجون!؟
ولكن مايزيد القلب حرقة هو التشكيك في وطنيته!
وحرصه على الكويت وحكومتها الرشيده,,,

خالد...الذي أفنى عمره في العمل الدؤوب والجاد في خدمة هذا الوطن الغالي وأبناءه الطيبين!!
هكذا يجزى!

والكلمة اللي أثرت فيني بحق قولهم (خلو مجاميعه ينفعونه الحين ؟)

وبيض الله وجيهكم على ردكم المفحم لهم...لكل من حاول اللعب بعقول العامه بالتضليل الإعلامي المغرض ...
(يكفينا انكم عطيتوه أصواتكم في الانتخابات التشاورية)،
وكان ذلك البرد اللي أثلج صدورناوأخرسهم...
وأثبت لهم وعي الشعب وادراكه لمايجري خلف الكواليس....
واتمنى أن يستمر تكاتفنا للمجلس بإذن واحد أحد...

.
.
.
أترككم مع بعض البويتات المتواضعه التي تعبر عن وجهة نظري....وهي للأمانه فيض من غيض....
لكل من شكك في وطنيتنا وولاءنا واتهمنا بالإزداوجية ...

لكل من اتهمنا بانا نحن (دماء مسرطنة تسري في عروق هذا الوطن؟؟!!)

سبحـــــــــــــــــــان الله!


الحكـــــومة قـلب موطنا..وباقي أعضاه حـنا **** ومن طـعن قلــــبه بيــــده إلا نــاوي الإنــــتحار!

وكان ماصرنا جســد واحــد ف وجه اللي محـــــنا **** أي هــــزيمة لأي عضـــوٍ لا تحسبنه انتـــصار

ماأزخرف كفــي اليــمنى ونقشـــها بحنــا **** وأترك الـــــبرد يـــتواكل فـــي أصابعها اليســـار!

لا تقلي بـــدو ذولا .. وإلا شيــــــعه ..وإلا سنــــه **** مارضـــعنا إلا نهدها عـاد أشـــافــينا صـــــــغــــار

ريحة أمــــــي.. ماأشبه ريحها إلا بريح جــــــــــــنة **** غــــــــــير " دار القبـــــر" مــا و الـــله أبدلـــها بــدار

ماعلــي من خزعــبلاتً سيــــاسية تغـــنى **** ما فــي قلــبي ازدواجــية لغلاها في الديـــــــار!!

هذي صـــوتي ماوصل للي فأذانيــــــــهم أكنـــــــة **** قلت كن صوتي ياخــــالد ...اسمع الصم العيار
وخالد الطاحوس منها مثل ماهي قطعة مــنا **** قال اعدل في الجسد لاتــــاكل أطـــرافه شرار

قالها من قلب صادق!! قـــالهـــا من حسن ظــــــنه! **** بـــرقع الأحـــرار ....لكـــن لا تشـــويهم بــنار

هو كذب؟ وإلا سرق؟ وإلا فجر؟ وإلا تجنى؟ ****وإلا هو الصدق أصبح في زمان الكذب عار؟

وإلا قلي كيف هو بنــيانك المــتراص يبــنى؟ ****كان ماحطـــيت كل أحـــجاره بنفـــس المسار

عشـــر أيام وثلاثــــة في الحــــبس ذقنا غبنا! **** صـــمتنا يحـــكي أمــــلنا فــي لبينات الجدار

صمــتنا يحكي ولانــــا وحـــــبنا لخافق وطنا **** رغم أنــــف اللي بـــــهتنا بالخــفا وإلا جهار

آه ياقلبي على هــذا الوطـــــن وش جـــاه منا! **** كانني عــــقيت بأمــي الله يــبدلها ف..بار

جــــيت أقبل كــــف ايديها عــــلها ترضاه عنا**** كلنـــا الطـــاحوس دامـــه عاشق ِ هذي الديار

.
.


أتمنى أن صوتي وصل ........!

صوتكم لمن سيصنع الفرق...وان شاء الله متفائلون



ودمتم كما يحب الله ويرضى....



(ياودود ياودود ...ياذا العرش المجيد...يافعال لما تريد....احفظ الكويت وأهلها من كل مكروه)اللهم احفظ الكويت وشعبها من كل مكروه ....