لا صـــرت بالصمـــــان والقيـــض حاديـــــك .. !

[فلاح بن جمل]

السلام عليكم ورحمه الله وبركاته



اليوم جبت لكم سالفة ( لا صرت بالصمان والقيض حاديك )

واكيد كل ابيكم تعرفونها ,, بس فيه ناس الله يهديهم ( قلبوها ميرندا ومدري وش )


نسمع دايم بالبيت اللي يقول ,,

لا صرت بالصمان والقيض حاديك ,, اشرب حليب نياق وخل عنك المرندا !!

السالفه طول الله باعماركم ,, ان في واحد عنده ( ناقه ) وهالناقه عزيزه عليه بالحيل ولا يقدر يفرط فيها من كثر مايحبها الزبده ,, هالرجال عنده واحد من عياله ,, يحب له ( بنت ) ويبي يتزوجها ,, وراح عند ابوه وقاله ( يبه ابي فلانه ) وقال ابشر وانا ابوك ,, اخطبها لك من ابوهاا ,, وفعلا راحو عند ابو البنت وخطبوها منه ,, وابو البنت رحب فيهم ووافق يزوجهم بنته ,,,

بس اشترط عليهم ان يكون مهرها ( الناقه حقت ابو الولد ) ,, وقال ابو الولد لأبو البنت ,, ( اطلب اللي تبي ,, بس هالناقه ما اقدر اعطيك اياها ,, وناقتي عزيزه علي ,, ومن هالكلام )

الزبده ,, ابو البنت عيـّا ,, الا ياخذ الناقه مهر لبنته ,, وابوالولد عيـّا يعطيه الناقه وعووود عند اهله وولده معه ,,, ويوم وصلو اهلهم ,, قعدوا عقب يومين ,, الا ابو الولد شاف ولده ماهو طيب ,, ومتغير عن اول ,, وعرف انه يبي البنت

وفكر ابو الولد انه يقنع ولده ان هالناقه لها فوائد كبيره ومايقدر يفرط فيهاا بسهوله ,, الزبده طرت له فكره على الصبح وهو يروح يقعد ولده من النوم ويقوله امش ياولدي ابيك تخاويني ( للصمان ) نبي نعس هناك
قام الولد وتخاوو على الطريق ,, وترادفو الناقه ,, وكان ابو الولد يبي ( يتخلص ) من المويه اللي معه ( مادري ليش وفعلا خلصت المويه اللي معهم ,, وذبحهم العطش ( وتعرفون القيض بالصمان عاد ) يشوي شوي ,,

الزبده ابو الولد يدري وين مكان المويه فيه ويدل مكان الغدير ,, بس سوى حاله مايدري وش السالفه
المهم ,, الحر ذبحهم والعطش جاب فيهم العيد ,, وقام يقول ابو الولد ( والله اللي رحنا فيها ,, والله اللي متنا من العطش والحر ) وكل قصده انه يسمع الولد هالكلام ,,

وعقب ما خلاص بغو يموتون من العطش ,, وجا ابو الولد ,, وغير مسير الناقه ووجها يم مكان المويه وهو خابره زين ,, وعاد انتو تعرفون ان الناقه تشعر بوجود الماء ( سبحان الله )

الزبده وهم في طريقهم ,, مره يطيح الولد ومره يطيح ابوه من التعب والعطش ,, ويغمى عليهم مره ويصحون مره وشوي ,, الا يصحا الولد الا وهو عند الغدير ,, ولا صدق عيونه ,,
وبهالوقت ,, استغل ابوه الفرصه وقاله شفت لولا الله ثم هالناقه والا متنا من العطش ,,,


وقال ابوه هالبيت :






لاصرت بالصمان والقيض حاديك
أيّا حسيـن الـدل وايّـا المطيـة





بس الولد للحين يفكر بحبيبته ولا هو ناوي ينساها ,, ورد على ابوه على طول ,, وقال :





الله كريم ولآ نوى بالتهاليـك .. !
ولا نوى بافراق صاف الثنيـة ..

لاصرت بايام الرخا عند اهاليك .. !
حبة حسين الدل تسوى المطية ..






وعقبها ,, ابو الولد غسل ايده من الولد ,, وقال مافيه فايده اني اقنعه ,, وفعلا دفع الناقه مهر لزوجه ولده ,,



وسلامتكم منقووووول