كفو كفو كفو كفو كفو كفو .. هل من مزيد ؟؟ ( يستاهل المدح )

[خالد بن رمثان]

السلام عليكم ورحمة الله وبركاته

..


.


..


.

هذي قصيده قلتها في السيد \ فلاح بن سعد بن حويله ال سعدى ..


وهي ماهيب واجد في حقه و هو يستاهل المدح كله ..


..


تفضلوا


..

يا بو سعد لا تحسب إني قاصر ٍ منْـك القصيـد=أنشـهـد إن أبـيـات مـدحـي تفتـخـر بــك يالشـلـي
يـا حـظ فيـك أبياتـي اللـي لـو بصّـوت مـن بعيـد=جاتـك ركايـب هاجسـي و الـمـدح يغليـهـا غـلـي
البارحـه يومنْـك تنشـدنـي عــن الشـعـر الجـديـد=قلت أبشر بعزك و أنا شعـري حروفـه تصطلـي
يا راس مال اللي قضى عمـره مـع العالـم وحيـد=و إليـا اعتزابـك راحـت همومـه وكنـك لـه ولـي
عـز الرفيـق و فزعـة المظيـوم و ذراع العضيـد=حــلاّل صعـبـات المشـاكـل عــون لـلـي مبـتـلـي
طلق الحجاج ورايـك اللـي تنطقـه راي ٍ سديـد=و مكـرّم الضيفـان مـا تحـسـب طليـيـن و طـلـي
صيتـك ذكِـر فعلـك بـكِـر و العـلـم تاتيـبـه وكـيـد=و الـلـي تقـولـه تفعـلـه بــإذن الـكـريـم المعـتـلـي
و أنت الرصيد اللي بدور له إذا احتجت الرصيد=و بـنـوك فـزعـات النشـامـا تمتـلـي مـنـك مـلــي
كفو كفو كفو كفو كفـو كفـو .. هـل مـن مزيـد ؟؟=فـــي ذمـتــي لأزيـــد دام إن الطـنـاخـه تـعـتـلـي
فـلاح شبـل ٍ مـن أسـد فافعـل فديتـك مـا تـريـد=مـا دام راسـك مـن طناخـة شايبـك مـاهـو خـلـي
إبيـك إمـيـر ٍ خـلّـد الـذكِـر المجّـمـل و المجـيـد=عجـل ٍ بمفزاعـه بوقـت الحـرب صفـه الأولـي
إبيك ابن سعدى بوسط الهوش له بـاس ٍ شديـد=اللـي طلـى حـدب السيـوف بــدم عـدوانـه طـلـي
فـلاح لـو مابينـي و بينـك صلـة قــرب و عـويـد=لأقول بيت ٍ في ضميـري يـا حروفـي عللـي :
كـايـد يكـيـد الـلــي يـكـيـد و بـايــد ٍ للمستـبـيـد=ولا قال يا حـرب أشعلـي شبـي فديتـش وأشعلـي
واللي حكابك فظهرك يالذيب .. جعله مـا يصيـد=أنشهـد إنـه لـو يعـرف الطيـب .. ردد : مخبـلـي
و الحين لا تبطي علي و انشد عن الشعر الجديد=لنّـك جـديـدي يالجـديـد الـلـي حـروفـه تصطـلـي


وسلامتكم .

.