الأخ ( ابو خالد ) على كرسي الأعتراف :)

[مـحمـد]

السلام عليكم

تحية طيبة وبعد ؛؛

نحييكم من جديد والغلا دايم يزيد

وفي الحقيقة والواقع والبحر مليئ بالقواقع

اخترنا العضو الفعال ابو خالد ليكون على كرسي الاعتراف

وبودنا ان نعرف عن شخصية هذا العضو الفعال انا وجميع الاعضاء

ويشرفنا ان نستضيفه هنا ونتمنى ان يكون صدره وسيع واترككم معه .



ونبدأ ونستفتح مع ابو خالد بالسؤال الروتيني عن البطاقة الشخصيه ..!

ALAJMI

[اطياف الماضي]

اهلا وسهلا اخوي ابو خالد


نور الكرسي .. نتمنى لك وقتت ممتعا معانا


وبعدين نشكر الاخ العجمي على اختياره الموفق


وعندي كم سؤال مبدئيا اخوي ابو خالد


كم عمرك ؟؟

وماهي مؤهلاتك العلمية ؟؟

وش هي وظيفتك ووين اذا كنت موظف ؟؟


ولي رجعه

تحيتي لك

[ابو خالد]

صباح الخـير

هلا وغلا أخي العجمي

أشكرك طويل العمر على أختيارك لي

ولي الشرف ان اجلس على هذا الكرسي

وكلي لكم اسئلو الي تبون

وان شاء الله لي وقفه مع الموضوع

لكن مهوب ذلحين لان عندي شغيل بالكويت لاجيت الظهر تقعدت لكم

[كويتيه]

هلالا واللللللللللللله

يالله حياا بو خالد...

اوكي نسالك..
اول شي البطاقه الشخصيه.. اذكر لناا

اسمك
عمرك
المرحله الدراسيه..او الوظيفه
الدوله
الهوايه
الامنتيات

واسالتي انا اهياا.


1. طولك و وزنك
2. ترتيبك بالعايله
3. لونك المفضل
4. اكلتك المفضله
5. مثلك الاعلى
6. تاريخ ماتنساااااااه
7. احب الاسماء الى قلبك.. اسم ولد و اسم بنت
8. من هو بو خالد.. اوصفلي شخصيتك..
9. شلون عرفت منتدى العجمان؟
10. انشالله ماثقلت عليك بالاساله


برجع انشالله

[مـحمـد]

كويتيه ماخلت شى ماسألت عنه

اى يبا نطري الرجال تونا مقعدينه اليوم على الكرسى باقى اسبوع كامل بس عندج اياه اشخليه شخال

وابو خالد سؤال يتيم : ماهو النادي المفضل لديك او اللذي تشجعه دوليا ومحليا ؟

ALAJMI

[ابو خالد]

بطاقتي الشخصيه

الاسم

سلمان المكراد

عمرك

16

المرحله الدراسيه .. او الوظيفه

طالب في السنه الثالث التخصص علمي مقررات

الدوله

الكويت

الهوايه

كل يوم طالع لي بهواية جديدة .. لكن بذكر لك بعضها .. الكورة ، الشعر ، النت ، TV ، الرسم ( لكن ما اعرف ارسم ) ، السباحه ، PS2 ، السفر ..الخ

الامنتيات

رضى الله والوالدين .. واخلص من الثانوية وادخل اي جامعة

[ابو خالد]

هلا أطياف

أشكرك أختي الكريمه على الاطراء

اما بالنسبة لاسئلتك ذكرتها في البطاقه الشخصيه

حياك الله في أي وقـت وأسعدني مرورك

[هند]

والله والنعم يابوخالــد
حياك الله على الكرســــي ، وإن شاءالله يكون مريح
أنا جييت أرحب فيك ،
وإن شاءالله رح يكون أسبــوع ممتـــع ومفيد
مع شخصية تتمتع بالذوق والأخـــلاق والأسلوب الراقي في التعامل مع الآخرين
أتمنى لك التوفيق


لك احترامي
السؤدد

[ابو خالد]

هلا كويتيه

الله يحيك

1. طولك و وزنك

الوزن 60 والطول تقريباَ 177

2. ترتيبك بالعايله

الاول

3. لونك المفضل

البني

4. اكلتك المفضله

الاكل الايطالي سبكتي ، بيتزا والشغلات هذي .. بالاضافة الى المكبوس والمفطحه

5. مثلك الاعلى

اوف كورس الوالـد

6. تاريخ ماتنساااااااه

06-05-2004 تاريخ انضمامي لمنتدى العجمان

7. احب الاسماء الى قلبك.. اسم ولد و اسم بنت

ولد : خالد ، بنت : نورا

8. من هو بو خالد.. اوصفلي شخصيتك..

شخصية غامضه مزاجيه مرجوجه .. ما اعرف اوصف نفسي ولا احب .. سو اعفيني من هالسؤال

9. شلون عرفت منتدى العجمان؟

بالتشير .. دخلت موقع غوغل وكتب العجمان وطلع لي موقعكم .. ومن خلال الموقع عرفت المنتدى

10. انشالله ماثقلت عليك بالاساله

بالعكس أسعدت بأسئلتك

وحياك الله في أي وقت

لاهنتي

[مـحمـد]

ابو خالد

لكن مهوب ذلحين لان عندي شغيل بالكويت لاجيت الظهر تقعدت لكم


وش شغلك بالكويت ؟