الــعـــٌـراب

[سعود بن مهدي]

اسعد الله اوقاتكم بكل خير وود


للتواصل مع ذائقتكم المميزه


_____

مدري وش اللي ؟ مزوٌد الحسـٌاد .. سودان الوجيه = لاني ( سحبت بساط ) ولاني ( قلبت الطاوله )

( فشلت ) ! بس أدري ان كل حصان .. له كبوه تجيه = وحتى ؟ في عثراتي .. قذتني الألسن المتطاوله

ماينفع ( الــعـــٌـراب ) كثر الطيب .. والقلب النزيه = جمايله ضاعت ؟ في وقت ٍ .. ماصفت مــآولــه

من ضاع في دنياه ماتفرق معه .. لـوٌه يتيه = واللي يذوق ( التوت ) مايستطعم ( الفراوله )

واللي تداول في ( احاسيس البشر ) ماهـو سفيه = قبله ( صناديق الذهب ) في سويسرا متداوله

واللي عشق في دنيته ,, شخص ودرى انـه مايبيه ! = بيعرف وش ظيم الزمان ! ووش كبر مهاوله

صار الوفا ؟ ماهـو وفا ؟ صار العذر ماهـو وجيه = صارت ( مفاهيم الحياه ) ,, بوقتنا متقاوله

حتى ابسط حقوقك ! تنازل عنـٌــها من دون ليه ؟ = هذي قوانين النظام .. ورتبوا جداوله

طبع البشر : واحــد ,, وفيهم من قطع ,, لــٌوك تجـيـه = لا احتـاجـوا من الآدمي ,, تذكروه وجاولـه

لاتحسب تحقيق الكمال ؟ أن ماقدرت تضيف إلـيـه ! = تـحـقـيـقه إذا ماقدرت .. تحذف شـي تزاوله

الصبر : مـعـيـار النجاح .. وميزة العقل النبيـه = والعزم : عـمـلـه نادره .. وأهل الـنـجـاح اتداوله

مـاقول ( طمـوحي فشل ) على الأقــل حـاولت فيه = حتى ! ولـو فشلـت .. ( يكفيني شرف الـمـحـاولـه )

ودمتم بخير