للفراق الم .. لايزول حتى وان عادت المياه لمجاريها قصيده جعلت من الالم رائعاً ومن الفراق ابداعاً
سطرت ابداع ومشاعر شاعر لايسطره إلا هو نزف ألم لكن نزف ليس كـ كل نزف ..
نزف يجبرك تتألم حتى بعد إنتهاء الألم ..قد تعود إلي .. ولكن لـن تعود كما كنت
جمله عبر بها شاعرنا بقصيده وددت ان تشاركوني قرائتها ...
كل المتعه اتمناها لـكم
كفايه .. وماحصل بالأمس يكفينا = لاتحني ايديك ,, خل دموعك الحنا
الى متى ؟ نكذب ! .. ونوهم امانينا = تعبت اجامل .. واقول آنا واقول آنا
تعال عند المكان .. اللي ضوى فينا = عشان أوريك ؟ ,, وش صرنا ! ووش كنا !
خلنا نتوادع هنا .. هنا تلاقينا = منا بدى الحب .. ولازم ينتهي منا
ماللزمان أي سبه .. في تجافينا= وش له نلوم الزمن ؟ دام السبب حنا !
صارت صباحاتنا ,, تشبه أماسينا != لابانت الشمس ! ,, والعصفور ماغنا
لو ندري بنفترق ؟ ماكان حبينا ! = ولا تركنا ( قلوب الحب ) تتمنا
وش هـو نسوي بعد ! .. وش هـو مـاسـويـنـا = مقسوم .. والله كتب ( حكم القدر ) عنا
في الحب ( أحاسيس ) .. ماتوصف بأغانينا = أسمى من الوصف ,,, وأرقى من تخيلنا
(( مـوضـوعـنـا مـنـتـهـي )) .. مـاعـاد يـمـدينـا = عمر ٍ خسرناه ! ,, لايمكن يرد الـنـا
واذا رجعنا لبعض ولاً تراضينا ! = لاتحسب آنـا ,, برنجع مثل ماكنا
05-01-2009, 03:37 AM
العرض الشجري