قصيــــــدة 1985 للشــــــاعر مشــــــــاري المري ""لاتتردد فالدخول

[موادعك خيره..!]

بسم الله الرحمن الرحيم


مســــــا الخيرات عالجميع


هذي رائعه جديده للمبدع مشــــــــاري المري

أنا وحزنـي واللّـه إن كـن حـن أتـوام
متوالفيـن وعمـرنـا عـشـره سنـيـن
ولـف لـو انـه يزيـد حوّلنـي حطـام
تبكي عليـه عيـون مـن عقـب جيليـن
الله وأكبـر .. ليـه !! عامـا وذا العـام
وأنـا أداري دمـعـه داخــل العـيـن
كنهـا الـى قـد ذود هاجوسـي حيـام !!
دمعه سنافـي .. بعـض ربعـه مساجيـن
الله لـك .. ياقلـب .. كـن فيـه أيـتـام
تبكـي الـى سبحنـت بيـن المصلّـيـن
تفتتـت كبـدي مـن مـطـارد أحــلام
تغنـي الفقيـر .. اللـي يسلّـف ملاييـن
أحـلام .. عبّـت قلبـي آلآاام وأسـقـام
حتى شحب وجهي .. وصرت أصفر إيدين
ولا أشتكي منها ولا أشكـي مـن أوهـام
ولا أشتكي لأقصيـن ولا أشكـي للأدنيـن
واللـي مخلينـي م أنـا أبـيـن آآلآم ؟!
خوف من أفواه تعشـق قولـه ( السّيـن )
ياعين حر أشقر علـى كـف إبـي عـام
ألـف وتسـع ميـه وخمـس وثمانـيـن
إسمـه إذا مانـي مظيـعـه !! عــزام
يذهل !!! الى من قيل .. لا ثر ولا عيـن
شعـوري فقربـك .. شعـور أي منظـام
ذاق السعاده .. عقـب مـا شبّـع الشّيـن
وشعـوري فبعـدك .. شعـور أي مقـدام
صامـل وكـبـره عيّـفـه بالميـاديـن
يكوده الممشا .. والـى .. جلـس ماقـام
وهو مـن أوّل يرجـع الصـاع صاعيـن
لا تحسبيـن إنـي الـى رحــت أيــام
أسـج منـك لحـظـه .. ولا تحسبـيـن
إنـي الـى غمّضـت ففـراشـي آآنــام
أنــا أتنـيـوم داري إنــك بتـاتـيـن
أبغـي الـى جيتـي بهـمـس وسلـهـام
فلاينـي قـايـم .. وأرحــب ملايـيـن
خطـه أطبقهـا الـى رحــت مــادام
إنـك الـى طولـت بـرقـادي تجـيـن
يمعطلتنـي .. يــا مشغـلـة الالـهـام
يامهـره .. تشـوق الرجـال المسّمـيـن
يمقفـلـه بيـبـان قـلـبـي بـأحـكـام
ياتـاج راس أحلـى البنـات المزايـيـن
يامحببتنـي كـره .. تنكيـس الأعــلام
يا مكرهتني حب .. قولة .. على ويـن ؟!
يا أصفى مـن اللـي قـال سـره لنمـام
ياشبـه ترحيبـه .. سنـافـي بغالـيـن
أشتـاق لـك شـوق الحـزن للتبـسـام
وآحـن لـك حـن الكريـم .. لمساكيـن
والى دعانـي غيـرك .. آآسكـر الجـام
ماهو كبر . لا . بـس خايـف تروحيـن
أما لـو تروحيـن !! وعروقـي هيـام ؟
يمكـن عقـب خطـوه ولفتـه تموتـيـن
أنا أشهد إن حبك علـى صـدري وسـام
منّـا يليـن آشيـب وأنـتـي تشيبـيـن
وأن كـان حبـي لـك يحملنـي آآثــام
والله مــا جــود كتـابـي بليـمـيـن
ودي أوّصف وجهك الزيـن .. مـن عـام
لكن !! أخـاف آآقصّـر بوجهـك الزّيـن
أقــول !!! يالبّـيـه ياأظـفـر إبـهـام
لامـس بطـن إبهـام كفّـي قبـل حيـن
والحب .. يبغي . عقل ,, وشعور ,, وإلمام
والبعد ! يبغي .. موت قلب .. وعما عيـن
الثانيه .. في بعدك .. إثنـا عشـر عـام
وأنتي أحسبي .. كم عام لو غبت يومين ؟؟