هذه الابيات قلتها مرثية في عمي (( مانع بن فرج بن غليس )) رحمه الله ..واسكنه فسيح جناته
يا مل قلبن بين الأضلاع منتوق= من شين علمن جاتني به رساله
فزيت انا كني على الخد مصفوق=كني طريح طاح من شين فاله
قالو توفى مانع حامي النوق= أنشهد أنه وافين بالرجاله
مرحوم يا للي للجزيلات عاشوق= كريم سبلا ما يوفر حلاله
الله من دمعن علا الخد طاروق= عليك ياعمي زعيم الشكاله
يبكي عليه مسيرن ساقها سوق= ساق الركايب لين نوخ حياله
يلقى الشحم ومهيلن ناطع الذوق= ويقلط الترحيب لقبل وجاله.
ويبكي عليه الضيف والجار محقوق= وتبكي مراكيه وتبكي دلاله.
لايافرج كانك من الحزن محروق= واعرف ترى قلبي سريع اشتعاله
ابغيك يامشكاي تاتي على الذوق= نلقاك لاجينا ترحب بداله
ياالله يامنشي مخاييل وبروق= تنشي على قبره وتمطر خياله
هذا وصلو عد من راح للسوق=وعداد من يكتب حروف الرسالة
الشاعر :فرج بن بخيت بن غليس الرزقي
12-12-2008, 05:31 PM
العرض الشجري