تهت بالصحراء واغسطس

[الشلاقي عز]

بسم الله الرحمن الرحيم

السلام عليكم ورحمة الله وبركاته

صباح الخير عليكم يالعجمان ...

ابيات من قصيدة جديدة لي و احتاج تقييمكم وتقويمكم لها

و تهت بالصحراء و أغسطس حامين لاهوبه=ساقني حكم القدر بخلاف ريمه حافي
ما نويت ابعد و اخاطر و اعترض لكروبه=واسفه اللي ما بقى من عمر واصبح جافي
ما نويت أجني على نفسي وأصيب عقوبه=قلت بس أقصى طموحي نظرتين وكافي
قلت و أخلفت الوعود و من ورا الرعبوبه =و سرت يا قلب المعنى تبحث عن الشافي
و الهوى ساقك على اللي بالطهر مصبوبه =من خلت جزال العرب ترجع تصير عجافي
و يا جامع السحر المحلل في نحايا جيوبه =و اللي اللي و اللي اللي و الحنان الدافي
ما عرفت الخوف ويش وطحت أنا بدروبه=و كنت انا قبلك شجاع و كنت ذيب سنافي
و من بعد ماني بعنتر صرت أنا شيبوبه =من صرت أنا في ساحتك جاني برود اطرافي
ما أنلام يا سامع حروفي ناري المشبوبه =قمت أتلي الورد و قريت الفاتحه يا كافي
من ما أحتوته اللي تسمى الفاتن الاعجوبه =واللي أحتوت مما يهيل الشاعر الوصافي
ياعيونها اللي كنها عيون أشقر مهيوبه =حام و شلع ثم أصطفق جاب الشبب بأكتافي
والحجاج اقرن بأخوه و صرت أنا مصيوبه =غار بي جرح عظيم من سلال رهافي
و خدودها السطع عسانا ما عدمنا غروبه =يا شمسي اللي ما أكسفت أو قيل نوره طافي
و من شفايفها العسل مدري العسل مشروبه =و أفرغ الله في نحايا الوجه زين صافي
و الشعر وصفه كما الديجور حد كعوبه =يا الغارقه في حسن صعب يجتمع في قافي
و الردوف أحجامها يا أخوك ترهق ثوبه =و الشموخ بعودها و لو كان وسطه هافي
و اللي قزى عن مركزه ما هو كفو للتوبه =و استغفرك يا رب كاني فاضحن للخافي
و يبكي اللي ما بكى لا شاف بيض عقوبه =و أن نطحها غصب ينطق يا هلا باللافي
تر قبلها ما قد عشقت و لا اهتوتني طوبه =وهي قبلة الحسن المصنع باشته يا شافي

[برنسيسة القلوب]

انا مابا ارد قلت يالعجمان

انا منا بعجمية لالالالالا مااابا ارد

[برنسيسة القلوب]

تر قبلها ما قد عشقت و لا اهتوتنـي طوبـه
وهي قبلة الحسن المصنع باشته يـا شافـي


صح لسسااانك ومنها للأمام

واله يوفقك ان شاء الله

ونشووفك من عمالقة الساااحه

[تمّام المجماج]

صح لسانك يالشلاقي قصيدة جميله

لكن انا ما ركزت بقصيدتك من ناحية الوزن

لكن هالبيت كسره ينادي الغادي

قلت و أخلفت الوعود و من ورا الرعبوبـه
و سرت يا قلب المعنى تبحث عـن الشافـي

(( عن الشافي )) كسر واضح

لكن عساك على القوه البدايات لابد لها من كسور

[الشلاقي عز]

صح بدنك لا هنتي يابرنسيه الساحه ...

صح بدنك اخوي تمام المجماج ولا هنت يالغالي ..ومنكم نستفيد يالغالي
صحيح توي مبتدئ لكن حاول تشرح لي ...الخلل كيف صار