الحلم

[ناصر بن ذروه]

السلام عليكم ورحمة الله وبركاته

اسعد الله اوقاتكم جميعا

مشاركه اخرى متواضعه ترتقي بقرائتكم

ماعلى المبتلي شرهه ولا منه خوف=الدوى كان مافاده يفيـد الكـوي
والشعر يختلف مابين مخمل وصـوف=وكل يومٍ من الايـام ذيـب يعـوي
قلتها دامني شاعر وعينـي تشـوف=وَعرف بيتها المليان واللـي يهـوي
شاعرٍ ماتظهرنـي كبـار الكتـوف=ولابرامج شعر وَلا معـارف خـوي
كان ما ادخل على البستان واقطف ألوف=نادرات المعاني مرهقات القوي
والغرض للشعر احيان وصف الهنوف=وانعكاس الحقيقه معنـوي معنـوي
كم قتيلُُ من الرمحِ وكم بالسيـوف=وكم قتيلُُ على سهم الهوى ماقـوي
وكم جريحُُ ويدعو بالفـراقِ رؤوف=يرجع اللي عيونه في البشـر تهتـوي
الجمال الطبيعي ..غير وصف الحروف=ياخذ العقل لوك ذات عقلٍ سوي
مرني زول من هي شوفها حرق جوف=مشيها كنها تروي خفوقي روي
والمحيا كمـا بـرقٍ لمـع بالقنـوف=والثغـر جمرتيـنٍ شاويتنـي شـوي
والخصر ملتوي والشعر ستر الردوف=منتثر كنه القدرى في عيـن ابـدوي
لو بوصًف ووصًف ماتفيد الوصوف=كان بوصف حلاها وعودها المرتوي
(شفتها في المنام) وكل حلمٍ يطـوف=غير حلم الهنوف اللي رفض ينطـوي