((الشيخ/ حمد المخيال))

[مانع الشمري]

أخواني خواتي في هذا المنتدى الشامخ قلت هذه القصيدة في الشيخ حمد المخيال
أرجو أن تنال على استحسانكم ولكم شكري وتقديري0

يابو فلاح أعّجل مع الدرب وبساع= يلزم سفر نبي نزور البواتيع
خذ أتجاهك زين والجيب مطواع= من غربي الباطن شروق المطاليع
مجهام قبل الشمس تبدي بـ الأشعاع= والجو يطرب مع براد الذعاذيع

نوم الضحى يصاحبي يرّث صداع= تلقى زبونه يشتكي من مواجيع
به كسترول ودايمن يقضب القاع= ماله جدى ياغير طق الأصابيع
مهو خوي شرواك لدرب قطاع= انا خويي طوّع البيد تطويع

نبي زيارة طيّبن علمه أنذاع= شامخ ويابين البروق اللواميع
حراً على كسب النواميس طلاع= خذ المراجل ورث ماهي بتطبيع
حمد بن مخيال له بالفخر باع= من روس ربعٍ يكسرون المداريع

عجمان ياركبو على الخيل فزاع= عدوهم تكبر عليه المهازيع
يدبل بحق خصومهم وافي الصاع= يردون ميدان المخاطر قواطيع
كم راس شغمومٍ ضرب دفّّت القاع= وعليه هلّن صافيات المداميع

الوقت يضرس في زمن كله سباع= على ظهور ملاويات المصاريع
العاديات فعولهن للبشر شاع= والخير فوق ظهورهن له منافيع
دوراً به القاوي يقدّر وينطاع= وعكسه يجرّع صافي الموت تجريع

اذوادهم ما يقربه كل طماع= ترعى قفر عشب الفياض المرابيع
حامينها برماح وحدود لماع= بزين المفالي ما حدتها الضناكيع
يوم العرب ما بين نازع ونزاع= وقتٍ رحل واقفاء بليا مراجيع

بقيادة اللي كاسبه حض وذراع= راكان بعيد النظر والمراميع
كريم فارس شاعرٍ وافي أطباع= أسمه يشجّع روس الأبطال تشجيع
أزيارته لضيغمي عقب مرجاع= بعد ما ودّع دار الأتراك توديع
يثبت لنا قدر الصداقه بـالأجماع= من الله غلا ماهي شروط وتواقيع

أخوكم/مانع حسن الشمري