كل موقف ... أخـو منيـره عـنـده أسهـود ومهـود ؟ ؟ ؟

[عايد العايد]

السلام عليكم ورحمة الله وبركاته




أضع لكم هذه الأبيات والتي هي موجهه ألى العم الوالد (أبوجمال) عبدالله مبارك ال عايد اطال الله في عمره 0




* * *

ياموتري روّح على العز والفال = صوب السنافي راعي الطيب والجود







بابه مشرّع دايم الدوم مدهال = بيت السنافي ملتجى كل مظهود







عبدالله بن عايد على كل الأحوال = أمشرع(ن) بابه ولا هوب مردود







عمي حزامي يطرب النفس والبال = أخو منيره عزوة الشايب العود







انا أشهد أنه باالمهمات حلاّل = البيض تشهد به وتشهد له اشهود







كل موقف(ن) يصعب على كل رجال = أخو منيره عنده أسهود ومهود







هذا فخرنا لاحضر مدح الأفعال = يحتار به ناقد و حاسد و مقرود







قلت الصحيح وكلمة الحق تنقال = عسى سنينك ياأبيض الوجه في زود







ياموتري روّح على العز والفال = حبة جبين العود غايه ومقصود

* * *


وسلامتكم