لامن ذكرت إن خوياي المرازيق __ ينزاح هم القلب و أصير رايق

[خالد بن رمثان]

السلام عليكم و رحمة الله و بركاته ..

أقدم لكم هذي الأبيات المتواضعه جدا ً ولعلها تعجبكم ..

كل ما فرحت بدنيتي جاني الضيق=يا عزتي للمودمي لا تضايق
أبكي و أهل الدمع و أنشف الريق= و يسوقني للضيق و الهم سايق
و لامن ذكرت إن خوياي المرازيق=ينزاح هم القلب و أصير رايق
ربع ٍ( رقو ) لين اعتلو قمة طويق=و متميزين ٍ بين كل الخلايق
مبيضين الوجه ربع ٍ مطاليق=ربع ٍ يفكون النشب في دقايق
جمع ٍ يجيله جمع ويصير تفريق=إن كان ما جاهم من الله عايق
يردون لحياض المنايا مشافيق=وقلوبهم ما هيب رهف و رقايق
عجمان و العجمان غير المخاليق=استغفر الله ما لحقنا لحايق
عجمان وسط الجوف بين المعاليق=وعيونهم من باب قلبي ( توايق )
و تاريخهم كايد و لا فيه تلفيق=و عندي على هذا قصيد و حقايق

\
/
\
/

وسلامتكم .. وسامحوني على القصور