$$ غيمة مشاعر سيلت دمع مدفون $$

[ريف الضعيف]

السلام عليكم ورحمة الله وبركاته
اسعد الله اوقاتكم بكل خير
هذي قصيده روعه اعجبتني ولا ادري منهو شاعرها
اتمنى ان تحوز على رضاكم

7
7
7
7

احسب دقايق صمت الأمال بالهون = وكثر الصبر زاد الثواني عددها
ألمح بقايا حلم الأيام مطعون = وأغلى أماني ماتت أول مهدها .
في زحمة الأشجان في وقت مجنون = أرجي عسى تذكر طموحي وعدها
دنيا غريبه سرها صار مكنون = تبني قصورٍ والخيانه عمدها
الغالي اللي مايساويه مزيون = بعز إعتيازي للمشاعر فقدها
الطيب ضايع دايم الدوم ملعون = دنيا روتني من بقايا نكدها
الكذب عادل وأصبح الحق مغبون = قلوبٍ مريضه والسبايب حسدها
عزه وهيبه عن ردى الناس يغنون =يوم الردى كل الطهاره جحدها
غيمة مشاعر سيلت دمع مدفون = تروي قلوب ٍ غايبه عن سعدها
كلي رجا لو همي والحزن يبقون = شمس الأمل ترجع وتذكر ’’ عهدها ’’

وسلامة الجميع .....