أهــداء لـ الاخ / فـلاح بن ملبـز
لان ذا الايام يروح للسعوديه واجد
قالو شراله خمس ميه وستين =مسكين قلت اللي على البال كافي
مدامني فأنظار الاقزام مسكين = هذا دليل إني عزيز و وافي
نعم شريت البنز الاخضر بتسعين= سمته وتليته بتسعين صافي
ابيه لا قفى من الليل ثلـثـيـن = واقفت مدافيح النجوم المقافي
انخاه والدمعه تحت محجر العين= نخوة دريكن ناخين له سنافي
غيرت له زيته وعبيت بنزين = واستنشق البنزين عقب الوقافي
كنه يصعط من صعوط المجانين =يرسي لياجا فالطريق انعطافي
واقفى كما فرخ كفخ باالجناحين = نور الحسا قدمي وسلوى خلافي
منصاه في نجد العذيه سلاطين = اهل موقف يوم الحرايب يشافي
(الآاد روق)مرجحين الموازين = شطرركب من قاف غيري بقافي
ترعى بهم في الخوف شمخ العرانين = يردف شحمها عقب ما هي عجافي
غربية بسم الصداقه وفيين = وانا لهم مع طول الايام وافي
اقولها هالحين واول وهالحين = غصب على اهل النفوس الضعافي
هذا وانا من عزوتن تنزع الدين = ستر العذارى لارمن بالغدافي
هواجر واسم القبيله قحاطين = مرويت حدب السيوف الرهافي
واختامها بالمستكه والرياحين = اخذت من لذه وعطرت قافي
سلطان الهاجري ..
16-04-2008, 05:39 AM
العرض الشجري