لا تحسب إن لي حبيب مفارقه .. ولا تظن الحب معطيني قفاه

[ريميه عجميه]

قمت وأثر الليل غصب آعانقه
قمت وأثر الكل نايم ما عداه

شخص جالس ما كأن فيه غلقه
ليه يسهر دام عينه ما اتعصاه

والفضول أرخص لي أبدا واسبقه
لين أبيّن مبتداه ومنتهاه

قلت ياللي في مجالي وابرقه
العذر منّك وكل ٍ في هواه

لكن إني بسألك وش محرقه
قلبك اللي ما عرفنا وش بلاه

ظاهره يوحي بشمس ٍ مشرقه
والغموض يقول مظلم محتواه

قال ياللي جيت بخطا واثقه
تنشد الأسرار والخافي تراه !!

خذ حروفي لك تجي متناسقه
وأعرف إنك ما تبي غير النواه

والخفوق أدري تبي تستنطقه
والسعاده بارقه بأعلى سماه

لا تحسب إن لي حبيب مفارقه
ولا تظن الحب معطيني قفاه

قال شرع الحب أنا ما أوافقه
كم قلوب ٍ ضاميه من شح ماه

والسعاده مو مع اللي تعشقه
وما أظن بيوم بسهر في رجاه

وقام كن القلب وثّق منطقه
قلت له كل شي جايز في الحياه

قال أودعك والوهم لا تصدّقه
راح وأثر الدم ينزف من وراه

قلت وقّف ما تخيب البارقه
عزّتي لك نزف جرحك وش دواه

وألتفت ثم قال لا لا توثّقه
ذا خفوقي يحتضر قبل الوفاه

وسلامتكــم