{ شوق البوادي بانتظارك . . . ~

[زهرة البوادي]

.
\
/

{تبي الصراحه للمواصيل حنيت
الله اكبر وين ذيك الليالي

ايامنا راحت وباقي لها صيت
باقي على طول الزمن في خيالي

صحيح عن شوق البوادي تخليت
بس الغلا موجود باول وتالي

غلاك مايحتاج شرح وثوابيت
اقلها...لو قلت راس مالي

حكمتني بعدام من يوم صديت
حكمتني والصد فوق احتمالي

صبرت صبر ايوب لين اني ازريت
حتى الصبر ودع وشد الرحالي

المشكله لاجيت ابرقد وغطيت
اشوف طيفك والكرى ماهنالي

الله حسيبك كل مابي توليت
حتى مع الآحلام طيفك بقالي

ولا لا تغرك ضحكتي لو تسليت
اضحك مع العربان وابكي لحالي

هذ هو المكتوب مهما تشكيت
اعيش في ضيقه على كل حالي

شوق البوادي بنتظارك اليا جيت
والغالي يبقى طول الايام غالي
. . . ~*

























.
\
/

المملكه العربية السعودية