((( ولا مخلوق يلحقنا مدانا )))

[حقان بن ناصر]

اعتذر عن غيابي

واروجو ان تشفع لي غيابي

ووصولها لنصف الذائقه

انا وابداع شعري ما انتوانا=في بدع البيت لامنه عصانا
تجي الافكار من نظره بعيده =وتجلس ماتبي ناسن سوانا
ونبنيها على جل المعاني =وغير الجل مايرعى احمانا
اشوف البعض لامنه تكلم=بهرجه ناشنا والا قفانا
قفيّا مادرى وشهي القفيّا = رما كبده وحنا ما رمانا
وحنا من رجالن ماتشكك= ولا مخلوق يلحقنا مدانا
تلقينا دروسن في زمنا=ولازلنا ولو شابت لحانا
كسبنا كل غلطه بتعليمه =ونترك درب جا منه خطانا
نعرف الصح بان قبله خطايا=وياجعل الخير تمشيبه خطانا
تعلمنا المراجل من رجالن=لهم فالعرف شيّن ماخفانا
ليامنه لفانا الضيف نفرح =نبين له غلاه اللي حوانا
نخف النفس في خدمة جنابه=اللين ايحس روحه من حدانا
ولانخلف وعدنا لاوعدنا=ولو طال الزمن ياتي وفانا
تعلمنا الجزاله فالكرامه=وتعلمنا نعز اللي نصانا
نحط الدين فوق الدين الاخر=ولانخلف هقاوي من هقانا
واذا جتنا من الجار الخطيه=نحسب حساب حقه وقصرانا
وندمح كل زلاته عشانه =يسمى جار لوه مابغانا
تعلمنا الشجاعه فالملاقا =ويموت الضد مايسمع ارغانا
اسودن من اسودن ظاهرينا=لنا فالعز منزال ومكانا
نجازي راعي المعروف فينا = محله في علا عالي سمانا
ملكنا لو معروفه صغيّر= ولامن جاته الضيقه لقانا
نكافح دون غايتنا ونصبر= على مر الدهر لامن كوانا
ولا نرضا مراكزنا وضيعه= وراس القمه العليا هوانا
عرفنا الحلم هو سيد المزايا=اليا منه بلانا مابلانا
نصينا ربنا راعي الجلاله = عزيز الشان ماخيّب رجانا
واشوف البعض لامنه تكلم= بهرجه ناشنا والا قفانا
وحنا من رجالن ماتشكك= ولا مخلوق يلحقنا مدانا

وسلامتكم