الكل يعلم بانتخابات 1996 وما جرى في ذيك الفتره يوم العتبان طعنوا في الانتخابات وقالوا ان هناك قش من قبل اللجنه التي تحصي عدد الاصوات واعادوا الانتخبات مره اخرى ونجح نوابنا العدوه والجري وهذي قصيده للشاعر خالد الشيباني العتيبي يهني فيها العجمان وموجها لصديقه الشاعر عبدالله بن حمران يقول فيها الشيباني
:::::::::::::::::::::::::::::::::::::::::::::::::: :::::::::::::::::::
نبارك للفهود الفايزه ونهني العجمان
لا ضاقت محاريف الضعافه ما تضيق ابنا
جماعتنا ولا بيننا رابح ولا خسران
مثل ما يعزفون اليوم باكر في ملاعبنا
علاقتنا علاقه طيبه من سالف الازمان
ولو حاول ضعوف الناس ماجابو حضايبنا
فهدنا مانقص عزمه فهدنا شاش بالميدان
وجمع ماتجمع عشرين لحيه لو تحاسبنا
فهدنا نافس العدوه وخالد يتعب الفرسان
ولولا الحظ عاندنا نجح سعدون نايبنا
فهدنا عند حزات النخاوي ينهظ الحجان
وقولت حاضر وممنون للملهوف تطربنا
وابوحليفه نكبنا وانخفض من صوبه الميزان
عسى ماشر يالي تسكنونه من يجاوبنا
بعام الفين موعدنا يعود الدين للديان
عوايدنا نموت ولا انثنينا عن مطالبنا
عسى الله يبعد الفتنه نعيش مع الجميع اخوان
وبعد مانشكر الله نشكر القايد معزبنا
تحياتي لقاريها وسامعها وابن حمران
صديقي كان عنده رد مضمونه يناسبنا
====================================
رد ابن حمران"""""
الا يامرحبا ترحيبتا بأصحابنا العتبان
ومنهو يريد يعكر صفونا ماهو بصاحبنا
تنافسنا على العليا وهذي عادة الشجعان
ولو تقبل لحانا ياربع ترفض شواربنا
وابن حماد ماقصر حصان وكبوت الحصان
وركبه لو تعثر ياولد بكره يواكبنا
تواعدنا على وضح النقى يامفهم الغلطان
كراسينا حجزناها ما تفلت عن مقاضبنا
كراسينا مغير اثنين يامكبر غلطة الخلان
لك الله لو فقدناها كثير الناس تشجبنا
ما كان بودنا الي صار ولو جبتولكم برهان
ولانرضى مناكبكم تصادم مع مناكبنا
تواعدنا بعام الفين وياسرعك على الاعلان
حسابك دققه واعرف وجنب عن مضاربنا
ذكرت الساحل شرقي جنودن مدها الرحمان
جنودن بالخفى واصواتها تبرز مواهبنا
علامك ماذكرت الضاحيه واصواتها العوران
دهشت انا مثل دهشتك ولكن من يخاطبنا
ولانرضى ياتي مابيننا مقرض ولافتان
ولو رضى ضعوف الناس ما رضى العود شايبنا
ولا تسمع مقابيس الشرور وسكر البيبان
ولو نسمع هروج اهل النمايم ما تصاحبنا
ولاننسى هل النخوه ولا ننسى هل العرفان
الي رست مراكبهم يا خالد مع مراكبنا
عتبنا مع بعضنا والعتب من عادة الصدقان
ولكن المحبه باقيه مهما تعاتبنا
11-01-2008, 11:35 PM
العرض الشجري