الشمس

[كحيلان نجد]

السلام عليكم ورحمة الله وبركاته
حقيقه هذي اول مشاركه لي وحبية تكون غزلية وامل ان تحوز على اعجابكم



الشمس تمشى والذهب طاح منثور يتبع خطاويها ويثري أثـرهــا

وهــاجة فيــها الحيـــا زادها نور على القلوب الخضر ربي ومرها

يشرق ضياها ويفخر الشرق مغرور ويسجد لها من ذا الحدايق زهرها

يوم اقبلت ناظرت وانصبت مجهور لحظة تصافح ناظري مع نظرها

تبسمت لي وكنها تقول معــذور يامن نظرت العين صادك خطرها

وانا على الصمت تحملت مبهور لين استمالت وأغربت في بحرها

والله يا لولا أني على الصمت مجبور خوفي من الشرهة وجمرة قهرها

ومن لومة تبنى على البهت والزور اليا سمع فيها المعادي جهرهـــا

قلت الشفق صدر من الوجد مغمور وعانقتها قبل يتشانق حمرهـــا

لكن تركت القلب داله ورى السور على الليالي ذيك يثمر شجرها

اعلنه بالحلم وايـــامــي تدور والله يوردني لضفة نهـــرهـــــا



الشاعر محمد بن عثيمين من بني تميم ...