قصيدة : للشاعر مهدي بن علي بن قطام

[طلال بن قطام]

الله الله واسرج الفارس مغشم= وقام حظ العقب في عطف الحديا

جعل راسٍ مااحتمى مخه يطشم= وانت باخس ماعلى مثلك خفيا

والعوارف بالنمايم ماتغشم= (والمراجل ماتهيا بالسويا)

والعذول اللي تطرف لك على شم= اسمع الباقي من اوصافه على يا

اسبل الغتره وبالكشمات كشم= يحسبنه كاسبٍ بنت العبيا

راس ماله جنب حرمته يتقشم= لاتفيا لا تفيا لاتفيا

به خشام من الجري مدري تخشم= نكسر الغضروف حتى له تهيا

ابشر اني فالمواقف ماتبرشم= وابشر اني لاحتمت فوق الثريا

وابشر اني موطي العايل بمنشم= مثل ما وطت سواليف العليا

دام راس حي تامر لا تعشم= هي على حدود الجدي ولا الثريا