إهداء لمحمد إبن الذيب مع التحية

[أسد اليامي]

مساكم الله بالخير

ما أهديت القصيدة لإبن الذيب غير من محبة والله يعلم ويدري اني صادق

واتركم مع مالاج في صدري عساه يعجبكم :


هاجسي مـبطـي ولـه وجه عبوس **** والسـبـب معـروف لجل إنه وحيد
أنـشـغـل فكري ورى طرد الفلوس **** وكـل مـاقـرٌب ولـيـه أبــعـد بـعـيـد
يـابـنـات الفـكـر غـنـوا للهـجـوس **** وارقصوا له لين يرضى من جديد
خابره يطرب مع الرمش النعوس **** ويـتـهـيـض لـيـن يطـربـنـي قـصيد
والـعـذر مـنـه وانـا لجـلـه بـدوس **** فـوق راس الـهـم يـفـرجـها شـديـد
واليوم يومي دامه الهم إمحبـوس **** بين عوج ٍ هـولـت صـلـب الحديد
وبرتـكي للقـاف وانـظـم به دروس **** مـن قـراها قـال ذا العـقـد الفـريد
وكل شاعر في الفكر يلبـس لبوس **** واحـدٍ يطـربـك والـثـاني عـصـيـد
وماظهر شاعر بعد حرب البسوس **** كـون عـجـمـي لابـتـه به تستزيد
محمد إبن الذيب ركـاب الجـمـوس **** وأخص جمس ٍ رفرفه شي ٍ فريد
يوم وصًف رفرفه وصف العروس **** إعـشقـوه الناس من زود الهبـيـد
ياذيب جمسك لو لقي جيبي يحوس **** حوس جندي شاف له رتبة عميد
وجيب أسد لا شق مثـناة الطعـوس **** صاح ابو رفرف كما يصيح الوليد
ياولـد عـمـي ترى لك في النفـوس **** منـزل ٍ عـالـي عـسى عمرك مـديـد

أسد بن عبدالله اليامي