البــــــــــارحه صــــــــــــــــــــدري عــــــــــوى ذيـبـــــــــــــــــــــــه

[محمدالعمار]

ملاحظه:- (الابيات هذي لاترسم شخصيتي لكنها ترجمه لواقع احسه غيري)

البارحه صدري عوى ذيبه عوى عوى عوى=حتى سمع صوته جنوب المملكه وهو شمال
من علة تاكل بكبده ما لقا لهاا دوى=يجر صوته لين كف الصبح شوح بالضلال
وانت السبب يا معذبي غديت والدنيا سوى =لين اصبح اللي خابره عود لواه الصيف مال
عيفتني طعم الغذا وعيفتني شم الهوى=والهم يمسي بي خلا يرضيك ذا عندك عدال
يا من بقربك زانت الدنيا وظاميها روى = ليه القسى وانت الذي تدري صدودك لي زوال
اتنفسك في غيبتك ويزود بي جمر النوى =شوق يقيد بداخلي فاحت على ركنه دلال
خِلك دخيلك من سبب هجرك تعذب وانكوى=متى تروف بحالته وتحن له يابن الحلال
ما دام في عينه شروق الشمس والمغرب سوى =وش عاد به تطمع بعد اتعستني فوق الخيال
في جاه رب خالقك حكمه على العرش استوى= لا تكتب اوضاعي قصص تروى على مر الليال
لا قلت لك تكفا تعال لا تقول لي مالك لوى = تعال يابدر الدجا مليت من شوف الهلال