مساكم الله بالخير ياربعنا واسعد الله اوقاتكم
قصيده جديده ولكنها ليست اخر ماكتبت وهي في شخصيه اعطت معنى مغاير ومذهل لمصطلح الكرم.
صلو على النبي,,,,,,,,,,,,,,,,,,,
ياقصيدي قم تعزوى لاجا وقت اللزوم=خابرك راعي عزيمه وانا راعي اعزوم
وكان مابيضت وجهك ولا شفت السعد= عدني مانيب وافي ولااعرف السلوم
لكن انصت واستمع لي وركـّز وانتبه= واعرف إنك من جنابي مقدّر ومحشوم
ولا سألتك شد حيلك وحل الاسئله= وكان ماحلّيتها تلحقك شرهه ولوم
منهو اللي فالمعالي تعلّت هامته= لين وصلت سمعته للكواكب والنجوم
ومنهو اللي فالميادين يبطش ويغَلب=يتعب ظهور الاصايل ويبيّد بالخصوم
ومنهو اللي كنّه الحر لا منّه شهر=مخلبه في صيدته لارؤوف ولا رحوم
ومنهو اللي بالتواضع يهين الغطرسه=ومنهو اللي يرفع خشوم ويوطّي خشوم
ومنهو اللي لاتعزوى ووقّف وانتهض= الشجاعه والنعاره مع راسه تقوم
ومنهو اللي شيخ شيخه وفعل ومرجله= ماتغيـّره المناصب ولا كثر الختوم
ومنهو اللي ينبذ اللاش والعلم الردي= لين صارت بيئته كلها جمعة قروم
قال أعرفه تاج راسي ونوماس القصيد= وافتخر في سيرته كل ليل وكل يوم
تعتزي فيه الشجاعه ألا حمي الوطيس= وتنتخي فيه الثقافه لاهدّتها الهموم
قدّم الثروه وغيره يجمّع ثروته= وقال انا بستثمر اعقول واطوّر علوم
ليه يعني الغرب فكّر وطوّر واخترع= ولي متى طيور التخلف على الأمه تحوم
أشهد ان فكره يساوي حضارات ودول=واشهد ان فعله ينومس عسى عزّه يدوم
لو تسوي ربع فعله مجمعة الكنوز= كان يمدي قد تحقـّق لنا بعض الحلوم
لكن بتبطون ياهل العروش الهاويه= والبلا فقلوب عيّت عن الذلـّه تشوم
والمواقف مالها ألا الكبير ابن الكبير=وسمِه فوجه المراجل من كبار الوسوم
الكريم اللي يغار الكرم من مدّته= الكرم في كوم ولاّ هو لحاله فكوم
من كثر مامدّته فاقت حدود الكرم= الكرم ودّه على مدّته يفرض رسوم
لن يمناه الطويله ألا منها عطت= راحت الهزله عقب مدة الوافي ردوم
ياعسى ربي يزيده ولايغيّر عليه= وجعلني ماذوق حزنه وتفداه الرخوم
وان سالتو منهو اللي بشعرك تمدحه= قلت شعري يمدح اللي تعرفونه عموم
أسمه أكبر من قصيدي ومن كل القصيد= وفعله يلبّس قصيدي من العزه اهدوم
محمد راشد آل مكتوم كسّاب النّعم =يوم غيره عن ربع نِعم قاصر ومحروم
سوالم .
24-06-2007, 01:09 AM
العرض العادي
