بر ي حا لي

[سلطان بن جفن]

مساكم الله بلخير والله اني داري اني امقصر في حقكم ولاكن العذر والسموحه
اما القصيده فهى اهدى للاخ الشيخ سلطان بن عجمي
القصيده ماودي اني اتكلم عنها وعلا ماقالو الشعارالقصيده تتكلم عن نفسها
اما نسيم اعمان هو معرض نسيم اعمان وهومعرض في الرياض
ومشهوربسياراته مثل الجيوب الكازس والفي اكسارات
اما البيت الي فيه يامغرد لاتغرد\ فتغريده شيله من الشيلات القديمه
وكان اكثرمن ايشيلها قبايل بني حاشد

بري حالي
راكبلي لستوى الخط الطويل وبان نيه=يطوي الدار البعيده مثل طيات الحبالي
جيب لكزس فل كامل شاشتين وداخليه=افخم انواع الجيوب الياركبته وستوالي
ابيض لونه كما لون المزون العقربيه=لامشى كنه سكون اليل من غالي الغالي
كن وجهه وجه قصر من قصور الفاخريه=ولعترض كنه يمام طايشن من مدح والي
ولامشى كنه تخثاع الهنوف العسوجيهه=بنت من يحمي نهار الكون عرقوب التوالي
عاقبوها بلحضاره لاوهي عاد ابدويه=وكل مالاحت بروق الوسم قالت بري حالي
من عناهاتشتكي كل النفوس العاطفيه=وفي هواها كم وكم قد ضاع من عمر العيالي
ترجمو سبع الغات الترحمته اليعربيه=ولاركبته كني املك حكم عبدالله الحالي
وسايقه يفرح على قطع الخروم الجرهديه=ومن عوايد سايقه ضرب الخطر واليل دالي
ماعطاني اياه منهو مابعد مد العطيه= سهل امره واحد لامن عطى ماهو ايمالي
قيمته ماهيب دين ولاسلف ولاهديه=من نسيم عمان طلعته وانا مرتاح بالي
مشتريه ابغيه لامن ضاقت الدنيا عليه=والزمان ايحدني والحض عيى ماصفالي
وكل واجد في عيون الناس فعيوني شويه=ثم نصابي من خذى من وصف ابو زيد الهلالي
بيت شيخ تعرفه لامن دخلت وجيت حيه=كن بيته فوق راس الطويق لامنه زمالي
وكن بيته دخلوه ابوصلته العالميه=وكل مادقيت سلفه قال بيت الشيخ فالي
اه ياسلطان لو تدري وش اللي صار ليه =وتدري اني ماخذ السنين والشهور وليالي
لاذكرت اللي مضالي رحت ادن الهاشميه=والتحسر لاذكرت اللي من الدنيا مضالي
بين ذيك وبين ذي وبين ذيك وبين ذيه=احسب ايام السنين الي مضتلي وش بقالي
والخوي لاجارت اليام الدهر يذكر خويه=ياعريب الجد يانسل الرجال بن الرجالي
سقت ركبي يم بيتك واليالي سرمديه=فزعتك للهل الجنوب وطنيتك لهل الشمالي
والقصايد فيك تفخر والحروف الابجديه=ماتشوف الاخصالك ياحميدين الخصالي
وش بقول وش بخلي في الكفوف الحاتميه= ونت الاهك كملك ياشيخ للاه الكمالي
ياالاديب الذرب يشيخ ابو نفس رضيه=ياشبيه البحر لامن هاج من جال الجالي
ويامغرد لاتغرد دوك شل السامريه= وخل منهو به نغاميش ايطوح بلعقالي
لاسمع صوتك التجر الصوت في راع الحميه=لاثقل شيل الحمول يشيلها شيل الجمالي
قم ترى ليام تجري عاد موضوعي اهنيه=قبل يدخل عالم التحكيم والحاكم اموالي
مازهمتك يسنافي عاد في روح هنيه=ازهمك واقول تكفى لاتخليني الحالي
لاتخليني ترى ماعاد عندي مقدريه=اتحمل كل هم جابته سود اليالي
والله انه مامشى ياشيخ في نجد العذيه= واحد مثلي يجر الصوت في راس الطوالي