الرجل ماهو بالرديات ملزوم لحدته نفسه لزوم ايحديها

[هضبان القعود]

السلام عليكم ورحمه الله وبركاته اما بعد0000

اقدم لكم هذا القصيده المتواضعه وعساء ان تنال على اعجابكم 0000 وهي تعبر عن نفسها

صلو على النبي 000

ياصاحبي كان التشراه ملزوم=اشره على وكلمتي ما خفيها
اشره وبعلمك بعلوم وعلوم=خليك فطين وفاهمن ما يليها
نارد على عدن تجيه العرب دوم=وبعض العدود انزلها ما نجيها
انزل عد(ن) فيه جربن ومزحوم= بعد الجرب لو بثمن نشتريها
والرجل يعرف مسلكه دوم ويشوم=ايشوم من حكي الخبل والسفيها
ايميز الصاحب ويعرف ضنا القوم= ويميز الكلمه قبل ليحكيها
لو المراجل دايما(ن) تاتي بسوم=تلقا كثير المال واقف يبيها
جده بخيل وجد جدانه ارخوم=وهو على كيفه يبي يغتنيها
انحمدالله دامها طيب وعزوم=ماتهتوي الا من نواء يهتويها
المرجله تبقا من الناس زيزوم=الياء بقاء العليا قدر يعتليها
هذاك في صحبته مانيب مليوم=وغيره من الصدقان لا مانبيها
والرجل ماهو برديات ملزوم=لحدته نفسه لزوم ايحديها