البيلوت.....

[محمد المجول]

السلام عليكم ورحمة الله وبركاته

أضع بين يديكم هذه المتواضعه عسى أن تحوز على رضاكم

جيب القلم والورق واللعب بيلوت=يقول أول وإلا جاتك تعديها.
ويقول ثاني تصن ولك كبوت=وناخذ دبل يارفيقي ثم نقهويها.
حل السبيت الأسيود زات مكبوت=وأهرب الحاس مالي مصلحه فيها.
دقك باالأكه مثل مادق بيروت=والباش راحت مثل قدس(ن) نطريها.
صف السرا ياصحيبي عين جالوت=يوم(ن) نقطع رقاب إللي يعاديها.
وخمسيني إللي بدت حكم(ن) بطاغوت=سالت دماء(ن) كثيره منهو يبكيها.
حل الصبي الداشر إللي صار مبخوت=لعب في أمه محمد صار يفنيها.
والزات عنده كما عدلك ياطالوت=تبري قلوب الخلايق عدل تشجيها.
إلحق علي يارفيقي أقبل الفوت=وين الحلل يارفيقي ليه تشريها.
قال الصبر يارفيقي ميزه الحوت=إصبر مثل صبر أيوب بمحانيها.
قلت الصبر ياصحيبي شي موقوت=بس خلي بالك نزرق ثم نعميها.
صف الديامن في إدينه رسم منحوت=كلا في بنته ياربي له تخليها.
غدينا ياصاحبي شايت ومشيوت=واحد يبرز وواحد صدق يعطيها.
غدينا ياصاحبي في وسط ذا الكوت=كنا نغازل وقذلتنا ندليها.
إخذ الحذر لاتجيني معك تابوت=تعلن جنابي شهيد الناس غاليها.
السبعه حره في إيدينه ترفع الصوت=وين العرب يارفيقي وين حاميها.
غدينا مثل الورق صقر(ن) وكتكوت=ناكل بعضنا نخاف الصقر نرضيها.
اللعب قرب يخلص وأقبل الموت=نبي نحلل لعبنا ثم نسريها.
اللعب بيدك رفقي لعب كبوت=وش طمرك فالسبيت وليه تشريها.
توبه أقابل خيالك لعب بيلوت=أمحق سنه منهو قايلك تقهويها.