مسا الخير
الا يا محمد والله ماجاب فيني العيد = سوى برقعٍ وعيون وجسمٍ كما الدله
وإلا صار حكيه حكي بدوٍ وفيها جيد = علي بالحرام انها دوايه من العله
على اللي قدم عيني ياغيدٍ وراها الغيد = عليها الهواوي لا شبحها يجي كله
سبت قلبي اللي عن دروب الغرام امحيد = وانا ما نويت اهيض القلب لا بله؟
مضا لي زمانٍ كالمسجل لامنه ايعيد = دوادي شريطه حل في راسي الخله
من الذكريات وكم ليلٍ من التنكيد = عذاب إفــ عذاب وهم قلب ورثع حله
بعدها عرضلي مترف القد تلع الجيد =ازيد بمشاعر خافقي او اقلله؟
لكن الهواوي كل مالد عينه صيد = فتنه الجمال اليعربي شيحه وفله
ياكنها ضلوعي اعلنت راية التوحيد = على حب قلبٍ في سبيل الهوى موله
عذاب المعنا يوم جو الغرام إمسيد = سوى دمع عينه من قليل البخت هله
لكن يافقير الحظ ماوفقك تاييد = ومثلك خبير افــ دق حظك مع جله
مدام الهوى قرصٍ كما الشمس فوق البيد = فلا ليت قلبي صد من جوه احسله
وسلامتكم
19-04-2007, 12:37 AM
العرض الشجري