عند المكان اللي جمعنا تناسيت // الصدّه اللي وقعها شاب فيني !!

[مناحي الصميل]

صلوا على النبي
.
.
.
.

عند المكان اللي جمعنا تناسيت = الصدّه اللي وقعها شاب فيني
بمفارقك اشقيت حالي وعانيت = قمت اطرق المسحوب واطرق هجيني
كم ونةٍ ونيتها ثم ونّيت = ومن كثر ما ونّيت محدٍ يبيني
حتى لجل عينك تكدّرت وسوّيت = شيءٍ محد سوّاه ماض السنيني
كل من نشدني قلت له خير .. ابلفيت = درب السعاده دايماً هو قريني
كل من نشدني قمت عنّه وصدّيت = وأمسح دموعٍ غايره في يديني
ماتذكر انك ذيك الأيام ( زلّيت ) = وأشوف زلاّتك كذا شوف ( عيني )
حتى بتعذيبي تلذّذت وجرّيت = معزوفة الفرقا على السامعيني
اطوّف الزلاّت وأقول سجيّت = وأحاول اجبر خاطرك كلّ حيني
لكن قولوا له تراني تشاويت = والحين وين الحب وينه وويني
طردت بعض الهم وقمت وتوضّيت = وحطّيت حاجز بين حبّه وبيني
سبحان ياللي قدرتك تحيي الميت = احييتنا من ماي ومن كوم طيني
يالله تغفر زلّتي ان تماديت = يالله كل الخلق بك تستعيني

وسلامتكم