السلام عليكم
قديمه للتواصل والحفظ 
__________
لاتسكـت ! الله يرحـم أبٌانـك تـقـول=طال السكـوت .. وزاد شـرح المعانـي
كنت افهم اللي في عيونـك علـى طـول=واللي على ( قلبـك ) يقولـه ( لسانـي )
واليوم ؟ صـار الفهـم ماهـو بمعقـول=ماكنـي اللـي جيـت لرضـاه عـانـي
طالبك لاتجرح .. تـرى القلـب مشلـول=امـا عشـان القـلـب .. ولا عشـانـي
راحـت ليالينـا مثـل حلـم معـسـول=ماعاد تنفـع .. ( سالفـة مـا كفانـي )
احلا شعـور .. يخلـي الصـدر مبلـول=لاقلت لك : وينك ؟ ولاقلـت : كانـي !
لو انت تـدري بعلتـي ؟ قلـت لاحـول=بـس البـلا انـي كـاتـم ٍ مادهـانـي
تقدر تعيش العمر دوني .. على طـول ؟=لنك .. قـدرت تعيـش دونـي ثوانـي!
انا كذا ,, اعشق واحب (( اصعب حلول ))=آخذ حقوقـي .. واعطـي اللـي عطانـي
مرات احس اني معك .. شبـه مجهـول=ومرات ؟ .. احس اني الملك في زمانـي
تدري ؟ وش اللي ؟ بخاطري حز ويجول= انـي مسيـري .. بذكـر اللـي نسانـي
لاشفت دمعي ! .. خلني .. منـت مسـؤل=بتحـس .. لاحطيـت نفسـك مكـانـي
عيبي من النظرات .. واضح ! ومدلول !=اني ماعرف اقسـى ؟,, وابيُـن حنانـي
اذا ( قوانيـن المحبـه ) لهـا فـصـول = ابلغـي القـانـون .. بـيـن المحـانـي
انـا اذا حبيـت ؟ .. آصيـر مهـبـول=والله علـى ( هبالـك و حبـك ) بلانـي
ماهمني لو صرت انـا انسـان معـزول=لنـي صراحـه ؟ .. بالمحبـه انـانـي
أختار بين أمريـن ؟؟ ياصاحبـي وقـول=لكن ؟ قبل تختـار ! .. فكٌـر ثوانـي ؟
اما تجـي وتبقـى بقربـي علـى طـول = ولا مابيـك تـروح لأنـسـان ثـانـي
___ وطولة عماركم ___
01-04-2007, 01:09 AM
العرض الشجري