تكفين يالواحه نبى محمد فطيس

[ماجد المرواني]

السلام عليكم ورحمة الله وبركاته
قصيدة جديدة واتمنى ان تنال على رضاكم

تكفين يالواحه نبى محمد فطيس=حتى اتعلم منه مشاهدينه
الله يجيره من عيون الأباليس=الي على نظم الشعر حاسدينه
لاكن ياهجسي تعوذ من ابليس=واترك ردي القاف واجلب سمينه
والشعر حكي يثير كل الحواسيس=وكم شاعرآ سدد من الشعر دينه
الشعر بحر وفيه للعرف تقييس=وكلآ على ماقيل عرفه عوينه
الشعر شبه كنوز تحماه حريس=وكلآ غزى وده ينول الثمينه
احدآ يجي وايديه منها مفاليس=واحدآ يجي منها محمل يدينه
وشاعر يلبس مقصد القاف تلبيس=وشاعر تخبط ايسار قافه يمينه
وانا على ابياتي دروع ومتاريس=سلحتها بعرفي وصارت ثمينه
ما اقول انا الشوقي ولابامرؤ القيس=لاكن شاعر من قبايل جهينه
تاريخنا يملا الكتب والكراريس=مجدآ لنا بسيوفنا محتمينه
واليوم مثل البحر كل التضاريس=متشابه الضلعان بارضآ طمينه
منها يلوف اهجوس قلبي هواجيس=والله ماذاقت هنا النوم عينه
لاهب من ريح الشمالي نسانيس=تقفي به الذكرى ونفسه حزينه
لاكن عزمي ما ارهبته الكوابيس=وقلبي على الضيقه عزومه متينه
ولاهمني وش صار خلف الكواليس=لاني فهمت الدور يامثلينه
ماني معلق قصدها بالدبابيس=لو قيل بعض الناس ماهي فطينه
ولو ينفع العميان ضو الفوانيس=تلقى البشر بعيونها مستهينه
قال المثل وان صار بالعلم تحويس=تاتيك بالعلم الموكد جهينة

اخوكم
ماجد المرواني