زحمة الاحزان

[فيصل المشوط]

تذكرتك بعد غيبة سنيـن بزحمـة الاحـزان=في خيالي صورتك وابكتني الصـوره
مثل ما كان حبك باقي بقلبي مثـل مـا كـان=اذا حسيت في ظلما حياتي شـع فـي نـوره
ولا نورن سوى نورك ينور لي سما الوجدان=ولا فرحه سوى فرحة وجودك عشت بسروره
غيابك عذب الحال الحزين وينطوي حرمـان=واحس اني مدينه موحشه بالبعـد مهجـوره
اسافر عن عذابي من عذابي واحتريك ازمان=حنيني والوله خـلا حياتـي فيـك مجبـوره
دريت بخافقي يبكي عليـك ولادلـه نسيـان=دريت شصاب حالي من فراقك حيل مخطوره
لزولك لا لعيونك لكل ما فيـك انـا ولهـان=اشوفك واقف قبالي سراب وضعت ببحـوره
خبرتك حب حقيقي ما يفارق خافق الحيـران=لقيتك ابعد الاقرب حكايـا الحـب بسطـوره
جمعت احلا اساطير الغلا بالشعـر والالحـان=ونثرت اشواق قلبي ما جمعت اشواق منثوره
اسافر بالخيال واعبر بحبـك كثيـر اوطـان=واعود والامانـي كلهـا لا عـدت منحـوره
انا مالي سوى ذكرى غلاك بزحمة الاحـزان=واطالع صورتك عبر الخيال وابكي