صبــاحكم خير .................. ومساكم ورد
يسعدني المشـــــأركه معكم في هذا الصـــرح العمــــلاق واتمنى من الله ان يوفقنا لما فيه الخير والسداد
صلوا على النبي
>> أول مشــاركه معكم مرروهـــا بذائقتــــــكم الادبيـــــه ...
عسـا ((حميـده)) بالمـبـارك ((ياحمـيـد))=واناعسانـي ماعدمـنـي / وأخــلا
من طيب رأسي / والمعاليـق الحديـد=والسمع / والطاعـه / وكفيـن الـولا
والنخوه اللـي مـن وريـدي للوريـد=وفزعات ربعي / والطناخـه / والشـلا
قومـا ًلماثـار الرمـك ماهـي تحيـد=أنشـد عليهـم ماليـمـن / لاكـربـلا
وأنشد هل العوجــاء / وخيل أبن الرشيد=حرابنا نومه من عيــونه قـــلا
هاماتنـا ماهـي تسـيـد لاي سـيـد=الالمـن لـه تسجـد جـبـاه الـمـلا
رب خلـق فالنـاس سـادات وعبيـد=وارزاقهـم بـيـده والا..غـيـره..والا
بامره تغيب الشمس / ويـذوب الجليـد=وبامره تهب الريـح / ويهـب الصـلا
نرجيـه غفرانـه لمـا حـان الوعيـد=ونرجيـه عـفـوه لاتبلانـا.....بـلا
الحي / والقيـوم / والفـرد / المجيـد=عـلام مانخفـي ومـادلـو(ن) ... دلا
^^^
^^^
والا أنت ياللي قلتلي هـل مـن مزيـد=لاتحسب أن الوضـع والدعـوى حـلا
الله يبـارك فيـك لامــك ياوحـيـد=الجازيـه ترعـى المفالـي ""والـخـلا
من دونهـا صلـب المعاقـل تستقيـد=أنبيـع مانملـك / ونرخـص مـاغـلا
نظرتنـا دأيم علـى الشـي البعيـد=وهقواتنـا ترهـق كتايـب """ وعمـلا
والا الطفايـس لوغـدت ماهيـب فيـد=لاجتنـي اشكـل / وان تعدتنـي جـلا
وان كانها جت كيـف مانفسـك تريـد=فاناعلـي الله ونـذر(ن)لـه ....فــلا
أتطيـح دمعـه مـن عيونـي اوتميـد=الارض فينـي واتعـب أفكـاري عـلا
شي(ن)ماحسبـه راس مال""ولارصيـد=على أوله بـس / وعلـى الثانـي ولا
يعنـي ...((سعيده))بالمبارك...((ياسعيد))=واناعسـانـي ماعدمـنـي ""واخــلا
من طيب رأسي / والمعاليـق الحديـد=والنخوه اللي فـي وريـدي / والشـلا
عبدالعزيز الشرمان
23-12-2006, 09:39 AM
العرض الشجري