سلام الله يابن مطلق سلامن ياصلك يالعود=نبي نآخذ معك فركة كعب ودّي تسامرني

[عبدالناصر آل عبدان]

سلام الله يابن مطلق سلامن ياصلك يالعود=نبي نآخذ معك فركة كعب ودي تسامرني

عليك الله وأمان الله مدام المسلمين رقود=سرااا الساري وأنا وياك خوّه وأنت خابرني

[فلاح ال مخلص]

الا

الا يامرحبا ترحيبة من دونها البارود = تقدم للحروب ولاتجيني وانت تسبرني


مدامك سقتها قدام فابشر بالسعد والفود = ولكن ياطويل العمر قبل تروح شاورني

[عبدالناصر آل عبدان]

ألا يانوم عيني يالوعيلي عصبة المظهود=تهون الكايده عند الرجال الطيب جابرني

ترا مابه كبيره والمراجل شبرها بالزود=وأنا مالي يدي بالطيب وريح المسك آسرني

[فلاح ال مخلص]

تدرهم تو عيني بكرتين وجنبهن مفرود = ووقفت اتفكر واشهد ان الله حيرني


لكن الزود عندك ياسنادي وانت جودك جود = عساك الله يجيرك من عنا بقعى تصبرني

[عبدالناصر آل عبدان]

تخيـّر في الثنادي وأسند المرقاب كب الذود=وغض من البصر لامن وصلت هناك خبرني

أخبرك تحتمل حمل الجمل تخشى من المنقود=تصبر حالك بحالك غبارك لايغبرني

[فلاح ال مخلص]

انا بعطيك وانت اختارها مابين بيض وسود = اخاف انك بعد وقع البكار الوضح تشهرني



انا حملتك حمول ثقال وحظك المقرود = رمى بك في طريق عقبها معاد تشكرني

[عبدالناصر آل عبدان]

تركد لا تجي كلـّـك وميـّز رمزها والكود=على هونك رخا ياصاح هدّي لا تغيـّـرني

سحابك يصطفق ساعه ولابه من وراه رعود=وذودك لا بغيت أسلب بكارك ما تعكرني

[فلاح ال مخلص]

اجنب كل لاش وللنشاما والقروم جهود= عسى رب البشر في عين ربعي مايصغرني


وانا ماني على بعض السوالف ياصبي محدود =اعلقها على راس الجبل والله يقدرني

[من داثر الوقت]

عبدالناصر الفهاد + فلاح آل مخلص



جبل ناطحله جبل



صح الله لسانكم يا شعّار وواصلوا



>>>>> طايح في لسان الخرفان وعيا لا يصير شاعر



واااااصلوا الليل الليل

[فلاح ال مخلص]

ههههههههههههههههههههههههههههههه







ارررررررررررررررررحب يا بن صليمه




حي والله ذا الشوف