الزول زوله والحلايا حلاياه=والفعل ماهو فعل وافي الخصايل

[النقال]

[color=#0000FF]سلام عليكم

/


قصيدة زوجة وديد بن عروج شيخ قبيلة بني لام في رثاءه وقد تزوجت هذه

المرأه بعد وفاته من اخيه، ولكنه ركن للراحه فلم يكثر الغزو كأخيه الراحل

فكتبت هذه

القصيده تتذكر فعايل زوجها المتوفى وقد استثاره البيت الاخير منها فغزا

وكسب حتى قالت فيه قصيده اخرى تمدحه وكأنها تعتذر عن ذلك البيت الذي

صار الان مضربا للامثال وسببا لشهرة هذه القصيده:][/color

يالله ياعايد على كل مظماه=يامحيي الارض الهشيم المحايل
انت الكريم ورحمتك مانسيناه=تروف باللي دوم عينه تخايل
تلطف بمن لكن عينه مداواه=اللي بقلبه حاميات الملايل
ألوج مثل ايوب من عظم بلواه=واسهر الى ما يصبح النجم زايل
على حبيب كل ماقلت ابنساه=لذكره تفطني من الهجل حايل
الى نسيته ذكرتني بطرياه=شيب ظهر من عاصيات الجدايل
يلتاع قلبي كل ما اذكر سواياه=كما يلوع الطير شبك الحبايل
لاواحبيبي سبعة سنين فرقاه=عليه انا قصيت كل الجدايل
لاواحبيبي يتلف الهجن ممشاه=الى بغى له نية ما يسايل
لاواحبيبي يرعب الهجن بغناه=من كثرما يوحيه ليل وقوايل
لاواحبيبي كل قوم تنصاه=تلقى ربوعه طيبين القبايل
لاواحبيبي تدفق السمن يمناه=ياما ذبح مابين كبش وحايل
لاواحبيبي وافيات سجاياه=عليه غضات الصبايا غلايل
لاواحبيبي دوم للعفن متقاه=ياما كلنه مدمجات الفتايل
لاواحبيبي بين ذولا وذولاه=خلي بوجه معدلين الدبايل
لاواحبيبي طاح يوم الملاقاه=بنحور غلبا فوق قب السلايل
لاواحبيبي طير شلوى تعشاه=قطاعة المهجه سناعيس حايل
ياعارفين <وديد> ياطول هجراه=ياليتني بوديد ماابغى بدايل
أخذت اخوه ابي عوض ذاك من ذاه=والبيت واحد من كبار الحمايل
عندي مثيله واحد كنه اياه=عليه من توصيف خلي مثايل
الزول زوله والحلايا حلاياه=والفعل ماهو فعل وافي الخصايل

وســــــــــــــــلامتكم

[سمـــوم]

الـزول زولـه والحلايـا حلايـاه
والفعل ماهو فعل وافي الخصايـل

صح لسان الشاعره..


ياعارفين <وديد> ياطـول هجـراه
ياليتنـي بوديـد ماابغـى بدايـل


بس بيوتها جريئه حيل :s


ويسلمو النقال على النقل

[فالح ابو ريم]

يا عزاه


صح لسانها

قصيده حزينه ،، استطاعت الشاعر ان تصف ما بها من توجد على فراق زوجها

السبب واضح بين أشطر القصيده ومقابل تلك الاسباب هي التضحيه من الزوج لزوجته والاحترام والتقدير والوفاء

قد تندر تلك الشعور في وقتنا الحالي ولكن اتمنى أن ظني خاطئ

لا هنت على طرح القصيده الجميله

تحيتي لك

[الملك]

صح لسانها ولاهنت يالنقال على الاختيار الرائع

[ابن صليفيح]

صح لسانك ولسان شاعرته

لاهنت اختيار مميز

وقصيدة جزله

دمت بخير

[ابو راكان *]

لاواحبيبي تدفـق السمـن يمنـاه == ياما ذبح مابيـن كبـش وحايـل
لاواحبيبـي وافيـات سجـايــــاه ==عليه غضـات الصبايـا غلايــل

قصيده رائعه صح لسان الشاعره
ولاهنت يالنقال على النقل الاكثر من رائع
نتمنى منك المزيد

[النقال]

من الشرف مروركم وتعليقكم



ولاهنتوا وماقصرتوا




وياهلا ومية هلا