صبحكم الله بالخير جميعا
هذه قصيده مطلوبه من شخص عزيز طلب مني قصيده في طيره
وهي قصيده موسميه اتمنا ان تنال اعجابكم ,,,,,
اليكم ماجاء فيها,,,
,,,,,,,,,,,,,,,,,,,,,
,,,,,,,,,,,
,,,,,,
,,,
قربلي الجيب والقرناس والحله=نبي ديارٍ خبيث النفس ماجاها
نبي فياضٍ بها الصفار والربله=انشهدنها طرب للي تمناها
مع خوةٍ تبري المهموم والعله=كسب المدايح تجيبه فعل يمناها
خوة نشاما تعقد الحبل وتحله=مافيهم الي يثور داخل اخباها
ومن بعدها ياصحيبي العتب خله=ابشر بنظمٍ يشوق النفس معناها
نوادرى دوم للجزلات محتله=ان جات فوق الجدي والا بلياها
يافالح الحر ياخذ منك وتاخذله=على الحباري سميك حول أشواها
وافى مع زين شكله وافىٍ فعله=لا نجمت اشقر الجنحان وطاها
على الحباري يجيها زايدٍ غله=يبي يتقاضا ويلعن جد مثواها
كنه يبي ثار ابوه وثار عم له=لامن ظربها على الطاير وسلقاها
من بعد ذا ماحلا في فيضةٍ خله=قفرا وراع الغنم ماداج مثناها
يازين شب العبل خالي من الجله= والخيمه امقومه مفكوك مذراها
وندني من الضو برادٍ معه دله=امبهره ماتعدا ابهارها ماها
هذي طراتي وكلٍ فكره إيدله=نبي ديارٍ خبيث النفس ماجاها
ســـــــــــــــــــــــــــــــــلامـــــــــتكـم
10-09-2006, 07:15 AM
العرض الشجري