نــورة وهيــفا بــنـت وهــبـي وروبـــي

[جراح بن ضيدان العجمي]

السلام عليكم ورحمة الله وبركاتة
اتعذر من كل الاعضاء على انقطاعي لظروفي الخاصه والان اريد ان اضع
بينكم متواضعه وارجو ان تحيز على رضاكم

ابدأ
//
//
ياعضيم الرجا من لاذ بك مايخيب=طالبك مارجيت الا انت تغفر ذنوبي
//
في كتابك امرت( ادعوا وانا من يجيب)=هوّن اللي غدالي من عضيم الكروبي
//
حظي اللي حداني صوب دربٍ تعيب= الهوى , والمحبه , والشقا , عزروبي
//
حسبي الله على نوره وربي حسيب=عقب ماقفت شربت السم في وسط .. كوبي
//
اسلبتني بعينٍ مثل سهم الحريب=وصرت امشي وراها لين ضاعت دروبي
//
في ثغرها تقول النار جمر ولهيب=يسحر اللي يناظر فيه والريق ... نوبي ؟
//
عودها الغض بين الورد وصفه صعيب=كنه يقول لعيون المخاليق : توبي !
//
الردايف تمايل مثل غصنٍ رطيب=كل ردفٍ يقول الزين لبسي وثوبي ؟
//
لو نظرها المغفّل صار شاعر واديب=ولو تبدّت لشايب قام يرقص بجوبي؟
//
لبا والله حلاها والقوام الرهيب=ولبا والله عيونٍ في الهوى روحوّا بي
//
من حلاها الا واشيب عيني واشيب=شيب عيني وقلبي من حلاها يذوبي
//
لعن ابا البعد منها اشهد انه عطيب=بعدها بقضي ايّامي وحيد وعزوبي
//
من بعد فــا رقتني صار جوّي كئيب=ضايق ٍ من شروق الشمس حتى غروبي
//
فا رقتني وخلتني وقلبي صويب=حسبي الله ونا في الحب توّي ودووووبي
//
اشهد اني هواوي والهوى ماهو عيب=جعل ربي يجازي كل من عذربوبي
//
ياحبيبي حبيبي وانت اول حبيب=والله اني من اجلك صرت رجل كذوبي
//
كذب جندي وحبك مثل رتبه رقيب=اتعدد من اجل ارضيك وانته لعوبي
//
زاد همّي وضغطي مانفعني طبيب= وانت طبي وجرحي والدوى والحبوبي
//
كل حزن بغيابك صار مني قريب=وانت ماتلتفت ياكامل الحسن صوبي
//
فيك حسن الملاك وفيك شيٍ غرريب= ماهو بحسن ( هيفا بنت وهبي وروبي)
//
تعرفين ابغلاتك والمحبه نصيب=غير عيا نصيبي ولاهتنيت بشروبي
//
كل ما أظن ظن فيك ظنّي يخيب=وجهتك للشمال ووجهتي للجنوبي
//
مثل من دوّر الابره بوسط الشعيب =بس ادوّر رضاك وصعب واتعب ركوبي ّ
//
كان مالله كتب لي والتقي بك نصيب=بقظي اللي بقالي من حياتي عزوبي
//
//
وسلامتكم
//
//
جراح بن ضيدان العجمي
//
//
//