سلام الله على ظلـم الفـراق وقسّـوة الأيـام=عسى ربي يسهلّ لك طريقـك وتحيـا وتـدوم
رح ووجهك بياضه من بياض الصبح ماينـلام=وانا من مدّة ايدين البخت يرضينـي المقسـوم
وش بيدّي وقف حظ الفقيـر وماتـت الأحـلام=إذا حبّك من أوّل يوم وفراقـك مـن أوّل يـوم
رقبتي قفلتين وسيف هجرانـك مسيـرة عـام=جلدني وأنكرتني ملحة العشره وربعـي قـوم
يهونها لو أن الحـظ يسّلـك مسّلـك الأقـدام=ماكان أوصل حدود الأرض وأعوّد وأنا محروم
تصافق لك معاليق الضماير يا بعد من قـام..=..وخلاني خصيم لوسعة الصدر ولذيـذ النـوم
أداري عبرةٍ ضامت عيونـي والعيـون تضـام=وأكبّر هقوتي لا كبرت الشرهه وكبـر اللـوم
ياويلي من مناديب الضنون وطرقـة الأوهـام=تساويني معك في خانة المحمـود والمذمـوم
تشوف أنّك على حد اليمن وتشوفني في الشام=وأشوف أنّا على وجه الحياه أثنين توم وتـوم
تذكّر وأنت عنّـي بعـد الأبـوّه عـن الأيتـام=رهين الغربه اللي من ديـاره ماتجيـه علـوم
بعد مادار عام من المفارق يـا غـرام العـام=وروحي مابقى الا زفرتيـن وتبلـغ الحلقـوم
لا ترخص قيمتي لامـن تذكرتـك وأنـا قـدام=وجيهن تذكر الظالم ولا تدري عـن المظلـوم
مابعتك بالسحايب والبروق السمـر والأنسـام=وساموني بتلويحة وداع وبعـت بـأوّل سـوم
سئمت العيش (نون وصاد) واللذات (سين ولام)=بنـادم والبنـادم حيلتـه ماتوجـد المـعـدوم
مادام الصحف جفت وأنت رحت ورفعت الأقلام=على حبٍ من أوّل يوم وفراقٍ مـن أوّل يـوم
مدغم ابو شيبه
30-07-2006, 02:58 PM
العرض الشجري