ليتك تحس بغيبتك وش حالت اللي يموت فيك//ودّك تعرف بحالته ركز معي في حالته

[عبدالناصر آل عبدان]

إهداء إلى قلوبكم الطاهره
/
\
/

ليتك تحس بغيبتك وش حالت اللي يموت فيك=ودّك تعرف بحالته ركز معي في حالته

قد له شهر من وين ما راحت عيونه يحتريك=في راس مرقابه يخايل مزنتن ما خالته

ما لا يطيق أشتال من بعدك وهو منّـك وإليك =وصم الجبال الراسيه تصدّعت إن شالته

تظما عيونه شوفتك والنور فيها يرتويك=من غيبتك يا نور عينه والنظر ما طالته

عين السعاده دمّـعت تبكيه من حزنه عليك=في عمرها ما قد بكت يا حرّ دمعن سالته

تبكيك ودموع المفارق ماتت براحة يديك=كنها تقول أخذت موتك أو بعد ما قالته

الله وأكبر تنطق الدمعه وكنها تفتديك=قتـّـالته يا من فدا في ذا الزمن قتـّـالته

العمر خلص و الغلا كذاب و الغربه شريك=ثلاث مطلبها قهر يا ليتها ما نالته

يا غايبه جف القصيد وضاق صدر(ن) يحتويك=والقلب طفل(ن) شاب راسه و المحبه هالته

بشر عرفت بغيبتك وش حالت اللي يموت فيك=عساك تفهم حالته وأظن بانت حالته

وسلامت قلوبكم