اقام الشاعر رميح الخمشي العنزي مع قبيلة ظفير بعد ان غضب عليه شيخ جماعته ابن مجلاد فاكرمه
شيخ ظفير ابن سويط وكان الخمشي متحدثأ لبقأ وشاعرأ وراويأ يحفظ الكثير من القصص والاشعار فأحبه ابن سويط وقربه ..ومرت الايام على هذه الحال فلا يجلس ابن سويط الا والخمشي بجانبه يحدثه وبعد مرور مده تغيب الخمشي عن مجلسه على غير عاده وظن ابن سويط انه مريض
فتركه وفي الليله الثانيه لم يحضر والثالثه كذالك فأرسل اليه من يحضر الخمشي ولما سأله عن سبب
غيابه قال الخمشي :
قالوا علامك ماتجي للتعاليل=قلت التهي ياشاربين القهاوي
مايستريح اللي بقلبه ولاويل=ولايقبل المجلس بعيد العزاوي
هجر النيا طبه بعيد المراحيل=ولاتنقضي حاجات رجلن يناوي
حلفت مني دين مايجدع الشيل=مير اعتبوا عبو المشيل الضحاوي
لاجيت بيت الهيلعي قاصب الحيل=عدى عن الشكه بدو خلاوي
احلى من السكر برقط الفناجيل=وعنيد الوا للعنيد الملاوي
اللي اليا جينا ومر بأشقر الهيل=غير الخروف اللي عليه الغطاوي
فعلم ابن سويط ان الخمشي قد اشتاق لجماعته فركب في اليوم التالي وقصد ابن مجلاد
طالبأ من العفو عن الخمشي فعفا عنه اكرامأ لابن سويط وعاد لجماعته
منـــــقول
اخوكم / رمان
17-05-2006, 02:09 AM
العرض الشجري