لــــــــــــــــــــــعبة الـــــــــــــــــــــــــــحظ

[حمد المخيال]

مساكم الله بالخير

حاولت بس مانيب قادر ليه مدري يجوز ويجوز ويجوز بس الاكيد اني رجعت ويكفى ان هناك من ينتظرون لذا هاانا بينكم احمل لكم كل ود وحب واقول لكم

(( بالحــــــــــــــب نفترق وبالــــــــــــــــــــــود نلتقي ))

يـــصـــاحــــبــــي أســـــــمــــــــع
ياحظ تكفا وش أسوي وراضيك = تزعل بليا أسباب وتشـوف حالـك
لامن بغيتك تبتعد في خطاويك = وان قلت أعاتب قلت مالـي ومالـك
جيتك دخيل ٍفي رجاوي معاليـك = ياسيـدي لحظـه وطولـي بالـك
عدت ثلاثين العمر في شرابيك = حمد من أقصي الروح ياحظ جالـك
البارحه ممسيت ليلي بطاريك = وأسأل معي وشقـوم ميطيـب فالـك
جفيتني وأمسيت عند الصعاليك = وألهم بغير حسـاب تفـرط شوالـك
أضحك ولو مره عسى الله يخليك = وأصدق مع شخص ٍ بروحه صفالك
ياحظ تكفا أنت توحي مناديـك = يسألـك بالله قلبـي اللـي شكالـك
ياما ثنيت الرجل أتبع مساريـك = وصلتنـي لليـم ورديـت هالـك
ياصاحبي أسمع وربي يعافيك = لاجـاد حظـك باعلـك وأشترالـك
تشوف ناسك بالموده تصافيك = كل يبـي قربـك ويبغـي وصالـك
كم واحد ٍمن فوق نفسه يبديك = وكم واحد ٍلرضـاك جـاك وعنالـك
وكانك فقير الحظ تكثر بلاويك = والموت من فقـرك تراهـو غنالـك
لوكنت صادق يلحق الحكي تشكيك = وتعاف وجه البيت ممـا جرالـك
أقرب قريبن لك تشوفه يعاديك = يصد من وجهـك الـي قـل مالـك
يجرحك منهو كان بيده يداويـك = والخاتمـه منـك تبـروا عيالـك
هيضت فيني الشعر بجملة دعاويك = ياصاحبي يطري علي ماطرالـك
الحظ لعبه وأن ضحكلك يعليك = وكانه زعل ياصاح عـزي لحالـك
وسلامتكم

ولكم ((( لعبة الحـــــــــــــــــظ ))